ఎల్‌ఓసీ సమీపంలో ఉగ్రవాది హతం.. – చొరబాటును అడ్డుకున్నభారత సైనికులు

జమ్మూ, కాశ్మీర్‌లోని రాజౌరి జిల్లాలో నియంత్రణ రేఖ వెంబడి నిర్వహించిన ఆర్మీ
చర్యలో పాకిస్తాన్ చొరబాటుదారుడు మరణించాడు. భారత సాయుధ బలగాలు అనుమానిత
ఉగ్రవాదుల చొరబాటు ప్రయత్నాలను భగ్నం చేశాయి. ఈ మేరకు రక్షణ శాఖ అధికార
ప్రతినిధి లెఫ్టినెంట్ దేవిందర్ ఆనంద్ శనివారం సమాచారం ఇచ్చారు. నౌషేరా
సెక్టార్‌లోని కలాల్ ప్రాంతంలో చొరబాటు బిడ్ విఫలమైందని.. ఆ ప్రాంతాన్ని
బలగాలు చుట్టుముత్తాయని ఆ అధికారి వెల్లడించారు. నౌషేరా సెక్టార్‌లోని కలాల్
ప్రాంతానికి సమీపంలో ఆపరేషన్ కొనసాగుతుండగా, జమ్మూ ప్రావిన్స్‌లోని రాజౌరీ
జిల్లాలో నియంత్రణ రేఖ వెంబడి చొరబాటు ప్రయత్నాన్ని సైన్యం అడ్డుకుందన్నారు.
ఈ క్రమంలో ఓ ఉగ్రవాదిని హతమార్చినట్లు తెలిపారు.