కాంగ్రెస్ కు ఓట్లు వేసి వృథా చేయకండి: గుజరాత్ ఎన్నికలపై అరవింద్ కేజ్రీవాల్

రాబోయే గుజరాత్ ఎన్నికల్లో కాంగ్రెస్‌కు ఓట్లు వేసి వృథా చేయవద్దని ఆమ్ ఆద్మీ
పార్టీ జాతీయ కన్వీనర్ అరవింద్ కేజ్రీవాల్ ఆ రాష్ట్ర ప్రజలను కోరారు.
అహ్మదాబాద్ చేరుకున్న ఆయన సోమవారం మీడియాతో మాట్లాడుతూ.. కాంగ్రెస్ స్థానే ఆప్
కు మద్దతు ఇవ్వాలని కోరారు. అధికారంలో ఉన్న బీజేపీకి, తమకు మధ్య ఇది ప్రత్యక్ష
పోరాటమన్నారు. 182 స్థానాలున్న గుజరాత్ అసెంబ్లీకి డిసెంబర్ 1, 5 తేదీల్లో
జరిగే ఎన్నికల్లో కాంగ్రెస్ నాలుగు లేదా ఐదు సీట్లు మాత్రమే
గెలుచుకుంటుందన్నారు. గుజరాత్‌లో గత 27 ఏళ్లుగా బీజేపీనే అధికారంలో ఉంది. ఈ
క్రమంలో డిసెంబర్ లో ఎన్నికలు జరుగుతూండడం విశేషం.