చాలా ఉత్సాహంగా ఉన్నాం.. పాక్ కెప్టెన్ బాబ‌ర్ ఆజం

అంచ‌నాల‌కు మించి టీ-20లో ఫైన‌ల్‌కు చేరిన పాకిస్తాన్ జ‌ట్టు ప్ర‌స్తుతం చాలా
ఉత్సాహంగా క‌నిపిస్తోంది. మ‌రీ ముఖ్యంగా ఆ జ‌ట్టు కెప్టెన్ బాబ‌ర్ ఆజం చాలా
ఉత్సాహంగా ఫైన‌ల్ మ్యాచ్ కోసం ఎదురుచూస్తున్నాడు. ఈ సంద‌ర్భంగా ఆయ‌న శ‌నివారం
ఓ టీవీ చానెల్‌కు ఇచ్చిన ఇంట‌ర్వ్యూలో మాట్లాడాడు. పాక్ దిగ్గ‌జ ఆట‌గాడు
ఇమ్రాన్ ఖాన్ అడుగుజాడ‌ల్లో తాము వెళ్తున్నామ‌న్నాడు. ఆదివారం ఆస్ట్రేలియాలోని
మెల్‌బోర్న్ గ్రౌండ్‌లో ఇంగ్లాండ్ తో ఫైన‌ల్ మ్యాచ్ కోసం ఉత్సాహంగా
ఎదురుచూస్తున్న‌ట్లు చెప్పాడు. త‌మ‌పై త‌మ‌కు విశ్వాసం ఉంద‌ని, ఒత్తిడికి
దూరంగా త‌మ జ‌ట్టు స‌భ్యులు ఉన్నార‌న్నాడు. షాహీన్ షా ఆఫ్రిది, నసీమ్ షా,
మహ్మద్ వసీం జూనియర్, హరీస్ రౌఫ్‌ల స్పీడ్ బౌలింగ్ ఫోర్‌సమ్ తన జట్టు బలం అంటూ
బాబ‌ర్ ఆజం పేర్కొన్నాడు.