సమంత ‘యశోద’ కలెక్షన్లు సూపర్..

సమంత నటించిన ‘యశోద’ సినిమా శుక్రవారం విడుదలై బాక్సాఫీస్ వద్ద కలెక్షన్ల
వర్షం‌ కురిపిస్తోంది. మొదటి రోజు బాక్స్ ఆఫీస్ కలెక్షన్స్ బాగున్నాయి. సమంత
లీడ్ రోల్ చేసిన ఈ సినిమాకు అభిమానులు పెద్ద సంఖ్యలో తరలివస్తున్నారు.
నిజానికి సమంతకు ఆరోగ్యం సహకరించక పోయినప్పటికీ, సినిమా గురించి ఆన్లైన్
వేదికగా ప్రమోషన్ కల్పించారు. మొదటి రోజు వరల్డ్ వైడ్ సుమారు 6.32 కోట్ల
రూపాయలు గ్రాస్ కలెక్ట్ చేసింది. ఇది సమంత సినిమాకి చాలా మంచి కలెక్షన్ అనే
చెప్పుకోవాలి. తెలుగు రాష్ట్రాల్లో ఈ సినిమా 2.80 కోట్ల రూపాయల గ్రాస్ కలెక్ట్
చేసింది. ఇక తమిళ నాడులో టాక్ బాగుండటంతో పాటు క్రిటిక్స్ కి కూడా నచ్చింది.
అయితే అక్కడ ఈ సినిమాకి ఆశించిన మేర కలెక్షన్లు రాలేదు. ఈ వారంలో కలెక్షన్స్
మరింత పెరిగే అవకాశం వుంది.