ఖేల్ రత్న అవార్డుకు ఆచంట శరత్ కమల్‌

భారత్‌ టేబుల్‌ టెన్నిస్‌ స్టార్‌ ఆచంట శరత్‌ కమల్‌ను సెలక్షన్‌ కమిటీ
ప్రతిష్టాత్మక మేజర్‌ ధ్యాన్‌చంద్‌ ఖేల్‌రత్న-2022 అవార్డుకు సిఫార్సు
చేసింది. ప్రతిష్టాత్మక పురస్కారానికి ఈ ఏడాది శరత్‌ కమల్‌ మినహా మరెవరిని
ఎంపిక చేయకపోవడం విశేషం. దీంతో శరత్‌ కమల్‌కు ఖేల్‌రత్న అవార్డు రావడం
గ్యారంటీ. 40 ఏళ్ల ఆచంట శరత్‌ కమల్‌ ఈ ఏడాది టేబుల్‌ టెన్నిస్‌లో అత్యుత్తమ
ప్రదర్శన కనబరిచాడు. కామన్‌వెల్త్‌ గేమ్స్‌లో నాలుగు పతకాలు సాధించగా.. ఇందులో
మూడు స్వర్ణాలు, ఒక రజతం ఉంది. అలాగే శరత్‌ కమల్‌ ఏషియన్‌ గేమ్స్‌లో
రెండుసార్లు పతకాలు సాధించిన తొలి టేబుల్‌ టెన్నిస్‌ క్రీడాకారుడిగా రికార్డు
సృష్టించాడు.