గాయని సెలీనా గోమెజ్, మోడల్ హేలీ బీబర్ మరోసారి ట్రెండీగా మారారు. సెలీనా గోమెజ్ గత నెల లాస్ ఏంజిల్స్‌లోని మ్యూజియం అకాడమీ గాలాలో జస్టిన్ బీబర్ భార్య హేలీతో కలిసి కనిపించింది. వీరిద్దరూ బాగా క్లోజ్ గా దిగిన ఫొటోలు ఇప్పుడు సోషల్ మీడియాలో హల్ హల్ చేస్తున్నాయి. జస్టిన్ బీబర్ భార్య హేలీ బీబర్ సెలీనా గోమెజ్‌తో చెంపకు చెంప రాసుకుంటూ పోజులిచ్చింది. అంతటితో ఆగకుండా ‘ఒకే ప్రపంచం-ఒక ప్రేమ’ ‘ప్లాట్ ట్విస్ట్’ అనే క్యాప్షన్‌తో ట్వీట్ చేసింది. సెలీనా గోమెజ్ బ్లాక్ టక్సేడో జాకెట్, మ్యాచింగ్ ప్యాంటులో అద్భుతంగా కనిపించగా, హేలీ బ్రౌన్ సెయింట్ లారెంట్‌లో చాలా అందంగా కనిపించారు.
రిలేషన్‌షిప్‌లో ఉన్నవారిని ట్రిప్ చేయడం ద్వారా ఎవరి జీవితాలనైనా గందరగోళానికి గురిచేయడం తన లైఫ్ లో లేదని మోడల్ ఓ ఇంటర్యూలో పేర్కొంది. సెలీనా గోమెజ్‌తో జస్టిన్ బీబర్‌కు ఉన్న సంబంధం పట్ల తనకు పూర్తి గౌరవం ఉందన్నారు. 2017లో సెలీనా గోమెజ్, జస్టిన్ బీబర్ విడిపోయారు. అదేవిధంగా 2018లో జస్టిన్ బీబర్, హేలీ బాల్డ్విన్ సౌత్ కరోలినాలోని చార్లెస్టన్‌లో పెళ్లి చేసుకున్న విషయం తెలిసిందే.
