వైసిపి అభ్యర్థి ఆసిఫ్ ని గెలిపించుకుందాం
నగరాల ఆత్మీయ సమావేశంలో నగర నాడు రాష్ట్ర గౌరవ అధ్యక్షులు కొరగంజి జగన్ పిలుపు
విజయవాడ బ్యూరో ప్రతినిధి : రానున్న ఎన్నికల్లో పశ్చిమ వైసిపి అభ్యర్థి ఆసిఫ్ ను గెలిపించుకుందామని నగరాల సామాజిక వర్గానికి నగర నాడు రాష్ట్ర గౌరవ అధ్యక్షులు కొరగంజి జగన్ పిలుపునిచ్చారు. ఆదివారం కొత్తపేటలోని కొరగంజి ఫంక్షన్ హాల్ లో జరిగిన నగరాల ఆత్మీయ సమావేశంలో వైసీపీ పశ్చిమ అభ్యర్థి ఆసిఫ్ ని ఆహ్వానించి సత్కరించారు. ఈ సందర్భంగా జగన్ మాట్లాడుతూ నగరాల సామాజిక వర్గానికి స్వర్గీయ వైయస్ రాజశేఖర్ రెడ్డి, ప్రస్తుత సీఎం జగన్మోహన్ రెడ్డి, మాజీ మంత్రి వెల్లంపల్లి శ్రీనివాసరావు ఎంతో తోడ్పాటు అందించారని కొనియాడారు. వైసీపీ అభ్యర్థి ఆసిఫ్ మాట్లాడుతూ సీఎం జగనన్న ప్రభుత్వంలో నగరాలు సామాజిక వర్గాన్ని రాష్ట్రవ్యాప్తంగా బీసీల్లో చేర్చడంతో పాటుగా విజయవాడ నగర మేయర్ పదవి, దుర్గ గుడి చైర్మన్ పదవి ఇంకా అనేక పదవులను నగరాలకు ఇవ్వడం జరిగిందన్నారు. నగర నాడు రాష్ట్ర అధ్యక్షుడు పోతిన వరప్రకాష్ మాట్లాడుతూ వైసీపీ ప్రభుత్వం నగరాల పట్ల ఎంతో సానుకూల దృక్పథంతో ఉందని కొనియాడారు. వైసీపీని గెలిపించేందుకు నగరాల కులస్తులంతా కృషి చేయాలని కోరారు. పశ్చిమ లో మనమంతా కలిసికట్టుగా వైసీపీ అభ్యర్థి ఆసిఫ్ ని గెలిపించుకుందామని అన్నారు. ఈ కార్యక్రమంలో నగరాల సామాజిక వర్గ ప్రముఖులు కొరగంజి భాను, ఏనుగుల లక్ష్మణరావు, పొట్నూరి రాజా ,పోతిన శంకర్, ఇద్దిపిల్లి పవన్, ముదిలి మోహన్రావు, బంక అప్పారావు, బంక హనుమంతరావు ,నాగోతి కన్నయ్య, నాగోతి వెంకటేశ్వరరావు, ఏనుగుల అప్పారావు, పిల్లా సతీష్ ,బుల్లి రాజు, పైలా వెంకటరమణ, అప్పలరాజు, నందికేశ్వరరావు, వాండ్రాశి రాము, నాగోతి బుజ్జి, ప్రసాదు, హరి ,పోతిన కనకరాజు, నాగోతి గురు, సత్యాల కృష్ణ, బైపిల్ల రమేష్ ,ముదిలి నాగరాజు తదితరులు పాల్గొన్నారు.
