రాళ్ళపాడు అభయాంజనేయ స్వామి ఆలయంలో ప్రత్యేక పూజలు నిర్వహించి అన్ లైన్ నామినేషన్ పత్రాలపై సంతకాలు
గెలుపు ధీమాతో వైసీపీ అభ్యర్థి ధర్మాన కృష్ణదాస్
పోలాకి, బ్యూరో ప్రతినిధి : నరసన్నపేట నియోజకవర్గం వైసీపీ అభ్యర్థి ధర్మాన కృష్ణదాస్ సుముహూర్తాన ఆదివారం ఉదయం ఆన్ లైన్ నామినేషన్ వేశారు. సాంప్రదాయ బద్దంగా పోలాకి మండలం రాళ్లపాడు అభయాంజనేయ స్వామి వారి ఆలయంలో ప్రత్యేక పూజలు నిర్వహించి ఆన్ లైన్ నామినేషన్ పత్రాలపై సంతకాలు చేశారు. అనంతరం ఆన్ లైన్ లో నామినేషన్ అప్ లోడ్ చేసి ఎన్నికల కమిషన్ వెబ్ సైట్ లో తన నామినేషన్ ను సమర్పించారు. ఈ కార్యక్రమంలో నరసన్నపేట నియోజక వర్గం నాలుగు మండలాల ముఖ్య నాయకులు వైయస్సార్ కాంగ్రెస్ పార్టీ క్రియాశీలక కార్యకర్తలు పాల్గొన్నారు. నరసన్నపేటలో ఈనెల 25వ తేదీన గురువారం నరసన్నపేట ధర్మాన కృష్ణదాస్ అధికార పూర్వకంగా సెట్ -2 నామినేషన్ వేయనున్నారు. నరసన్నపేట పట్టణంలో జరుగు ఈ కార్యక్రమం భారీ ఎత్తున ర్యాలీ, బహిరంగ సమావేశం నిర్వహించనున్నారు.
