హాలీవుడ్ దర్శకుడు జేమ్స్ కామెరూన్ నుంచి వచ్చిన సినిమా ‘అవతార్’. ‘పండోరా’ అనే యూనివర్స్ నేపథ్యంలో రూపొందింది. ఈ చిత్రం బాక్సాఫీస్ వద్ద భారీ వసూళ్లను రాబట్టింది. ప్రపంచంలోనే అత్యధిక కలెక్షన్స్‌ను కొల్లగొట్టిన మూవీగా రికార్డు సృష్టించింది. ఈ చిత్రానికి సీక్వెల్స్ రూపొందిస్తానని జేమ్స్ కామెరూన్ గతంలోనే తెలిపాడు. సినిమాపై దశాబ్దా కాలంగా పనిచేస్తున్నాడు. తాజాగా రెండో భాగం ‘అవతార్: ది వే ఆఫ్ వాటర్’ ట్రైలర్ విడుదలయ్యింది. ట్రైలర్‌లో జేమ్స్ కామెరూన్ ప్రేక్షకులను తిరిగి పండోరా పైకి తీసుకెళ్లాడు.‘అవతార్’ లో శామ్ వర్తింగ్‌టన్ కీలక పాత్ర పోషించాడు. జేక్ సల్లీ పాత్రలో కనిపించాడు. జేమ్స్ కామెరూన్ తాజాగా విడుదల చేసిన ‘అవతార్: ది వే ఆఫ్ వాటర్’ ట్రైలర్‌లో జేక్ సల్లీ కుమార్తెను పరిచయం చేశాడు. పండోరాను విజువల్ వండర్‌గా చూపించాడు. సౌండ్ ఎఫెక్ట్స్‌తో ప్రేక్షకులను మెస్మరైజ్ చేశాడు. ‘అవతార్: ది వే ఆఫ్ వాటర్’ ప్రపంచవ్యాప్తంగా డిసెంబర్ 16న విడుదల కానుంది. భారత్‌లో ఈ చిత్రం ఇంగ్లిష్, హిందీ, తెలుగు, తమిళ్, మలయాళం భాషల్లో ప్రేక్షకుల ముందుకు రానుంది. 4కె, 3డీ తో పాటు అందుబాటులో ఉన్న అన్ని ఫార్మాట్స్‌లో ఈ చిత్రాన్ని రిలీజ్ చేయనున్నారు. మొదటి పార్ట్ భారీ విజయం సాధించింది. తాజాగా రీ రిలీజ్ చేయగా అద్భుతమైన కలెక్షన్స్ వచ్చాయి. అందువల్ల రెండో భాగం ‘అవతార్: ది వే ఆఫ్ వాటర్’ పై భారీ బజ్ ఉంది. ఆ అంచనాలను అందుకునేలానే ట్రైలర్ ఉంది.
