తిరుమలలో పల్స్‌పోలియో లాంఛనంగా ప్రారంభించిన ఈవో ఎవి.ధ‌ర్మారెడ్డి

తిరుమల : మార్చి 3వ తేదీ ఆదివారం దేశవ్యాప్తంగా నిర్వహించిన పల్స్‌పోలియో కార్యక్రమంలో భాగంగా తిరుమల శ్రీ‌వారి ఆల‌యం వ‌ద్ద ఈవో ఎవి.ధ‌ర్మారెడ్డి చిన్నారులకు పోలియో చుక్కలు వేసి లాంఛనంగా ప్రారంభించారు. ఈ సందర్భంగా ఈవో మాట్లాడుతూ తిరుమలలో 25 ప్రాంతాలలో పల్స్‌పోలియో కేద్రాలను ఏర్పాటు చేయడం జరిగిందన్నారు. ఉదయం 6 నుండి సాయంత్రం 6 గంటల వరకు జరిగే పల్స్‌పోలియో కార్యక్రమంలో భక్తులు మరియు స్థానికులు 0 నుండి 5 సంవత్సరాల లోపు చిన్నారులకు విధిగా పల్స్‌పోలియో చుక్కలు వేయించుకోవాలని ఆయన కోరారు. ఈ కార్య‌క్ర‌మంలో సివిల్ సర్జన్లు డాక్టర్ బి.కుసుమ కుమారి, డాక్టర్ ఎస్.కుసుమ కుమారి, హెడ్ నర్సులు కృష్ణ కుమారి, సావిత్రమ్మ, ఇతర వైద్య, పారా మెడికల్ సిబ్బంది పాల్గొన్నారు.