26న సీఎం జగన్‌ చిత్తూరు జిల్లా కుప్పం పర్యటన

అమరావతి : ఈ నెల 26న సీఎం వైఎస్‌ జగన్‌ మోహన్ రెడ్డి చిత్తూరు జిల్లా కుప్పం లో పర్యటించనున్నారు. రామకుప్పం మండలం రాజుపేట వద్ద కుప్పం కెనాల్‌కు నీటి విడుదల, అనంతరం శాంతిపురం మండలంలో బహిరంగ సభలో ముఖ్యమంత్రిపాల్గొననున్నారు. ఉదయం 8.15 గంటలకు తాడేపల్లి నివాసం నుంచి బయలుదేరి రామకుప్పం మండలం రాజుపేట చేరుకుంటారు. అక్కడ కుప్పం కెనాల్‌కు నీటిని విడుదల చేసిన అనంతరం శాంతిపురం మండలం గుండిశెట్టిపల్లికి చేరుకుంటారు. అక్కడ ఏర్పాటుచేసిన బహిరంగ సభలో ప్రసంగించిన తర్వాత సాయంత్రం తాడేపల్లి చేరుకుంటారు.