చిన్నారికి నామకరణం చేసిన ముఖ్యమంత్రి జగన్మోహన్ రెడ్డి

భీమవరం : శుక్రవారం విద్య దీవెన నిధులు విడుదల కార్యక్రమానికి భీమవరం
విచ్చేసిన ముఖ్యమంత్రి వైఎస్ జగన్ మోహన్ రెడ్డిని స్థానిక లూధరన్ గ్రౌండ్స్
హెలిపాడ్ వద్ద చిట్టూరి సోనీ, చిట్టూరి మోహన్ కుమార్ దంపతులు వారి ఐదు నెలల
చిన్నారితో కలిసి ముఖ్యమంత్రిని కలవడం జరిగింది. ముఖ్యమంత్రి వైయస్ జగన్మోహన్
రెడ్డి, వారి తండ్రి వైయస్ రాజశేఖర్ రెడ్డి అంటే మా కుటుంబానికి ఎంతో అభిమానం
అని, ఈరోజు ముఖ్యమంత్రిని కలిసి తన బిడ్డకు నామకరణ చేసుకోవాలని కోరికతో రావడం
జరిగింది. ముఖ్యమంత్రి వారి చిన్నారిని భుజానికి హత్తుకుని ముద్దాడి రాజశేఖర్
గా నామకరణం చేశారు. ఈ సందర్భంలో ఆ దంపతుల ఆనందం మాటల్లో చెప్పలేనిది.