అదృశ్యమైన జర్నలిస్ట్ దామోదర్ రావు మృతి

శ్రీకాకుళం : లావేరు మండలం కేశవరాయి పురం గ్రామానికి చెందిన గిరిజ దామోదర్
రావు ( 48) ఈనెల 26 మంగళవారం నుండి కనిపించడం లేదు. ఈ విషయం పోలీసులకు
ఫిర్యాదు చేశారు. ఈ నేపథ్యంలో గురువారం గ్రామానికి మూడు కిలోమీటర్ల దూరంలో ఓ
తోటలో మృతి చెందినట్లు స్థానికుల గుర్తించారు. గత కొన్ని రోజులుగా మృతుడు
అనారోగ్యంతో బాధపడుతున్నట్లు చెబుతున్నారు. మృతి చెందిన దామోదర్ రావు ప్రముఖ
దిన పత్రికలో విలేకరిగా పనిచేస్తున్నారు. మృతి చెందిన దామోదర్ రావుకు భార్య,
ఇద్దరు పిల్లలు ఉన్నారు. పోలీసులు మృతుడికి శవ పంచనామాకు తరలించారు. గ్రామంలో
విషాదఛాయలు అలుముకున్నాయి.