రంగా పేరుతో రాజకీయం చేస్తుండటం సిగ్గుగా లేదా : మాజీ మంత్రి కొల్లు రవీంద్ర

మచిలీపట్నం : మాజీమంత్రి పేర్ని నానిపై టీడీపీ సీనియర్ నేత, మాజీ మంత్రి
కొల్లు రవీంద్ర హాట్ కామెంట్స్ చేశారు. వంగవీటి మోహన రంగా వర్ధంతి సందర్భంగా
మంగళవారం జరిగిన కార్యక్రమంలో కొల్లు రవీంద్ర మాట్లాడుతూ వంగవీటి మోహన రంగా
వర్థంతికి రాజకీయ రంగు పులిమారని పేర్ని నానిపై మండిపడ్డారు. రంగా అభిమానులు
డీజే పర్మిషన్ అడిగితే ఇవ్వరా అని ప్రశ్నించారు. పేర్ని నాని కొడుకు డీజేతో
ఊరంతా తిరగి రంగా విగ్రహాలకు దండలు వేస్తాడా అని నిలదీశారు. పేర్ని నాని ఏ
నాడైనా రంగా విగ్రహానికి పూలమాలలు వేసి నివాళులర్పించాడా అని ప్రశ్నించారు.
నాడు రంగా మరణాంతరం నవకళా సెంటర్ ప్రస్తుతం ఉన్న రంగా విగ్రహ ఏర్పాటుని
అడ్డుకున్నది ఎవరని నిలదీశారు. రంగా విగ్రహ దిమ్మను తొలగించినది మీ తండ్రి
పేర్ని కృష్ణమూర్తి కాదా అని నిలదీశారు. నేడు రంగా పేరుతో రాజకీయం చేస్తుండటం
సిగ్గుగా లేదా అని కొల్లు రవీంద్ర ప్రశ్నించారు.