ఆంధ్రప్రదేశ్ ఐఎంఏ కు పలు జాతీయ పురస్కారాలు

విజయవాడ : ఆంధ్ర ప్రదేశ్ రాష్ట్ర శాఖ గత సంవత్సర కాలంగా చేసిన వైజ్ఞానిక
,సామాజిక, సాంస్కృతిక, క్రీడా కార్యక్రమాలకు ఐఎంఏ జాతీయ పురస్కారాలు
ప్రకటించారు. ఈ అవార్డులను ఈనెల 27వ తేదీ తిరువనంతపురంలో జరగనున్న 98వ ఐఎంఏ
జాతీయ సదస్సులో ఇవ్వనున్నారు. ఉత్తమ రాష్ట్ర అధ్యక్షుడిగా
డాక్టర్.జి.రవికృష్ణ, ఉత్తమ రాష్ట్ర ప్రధాన కార్యదర్శిగా డాక్టర్. పి.ఫణి ధర్
లకు,జాతీయ వైద్యుల క్రీడల నిర్వహణకు గాను డాక్టర్. ఎం. రవీంద్రనాథ్, డాక్టర్.
తుమ్మల కార్తీక్ లకు, ఉత్తమ ప్రాంతీయ శాఖ కార్యదర్శి అవార్డులు కాకినాడ ఐఎంఏ
కార్యదర్శి డాక్టర్. సి.కిరణ్, విజయవాడ ఐఎంఏ కార్యదర్శి డాక్టర్. పి.వి.
దుర్గారాణి లకు మహిళలలో క్రీడల ప్రోత్సాహానికి నంద్యాల కు చెందిన డాక్టర్
లక్ష్మీ సౌజన్యకు,గ్రామీణ వైద్య సేవలకు తిరుపతి ఐఎంఎ శాఖకు, జాతీయ ఐఎంఏ
అధ్యక్షుల ప్రశంసా పురస్కారం విశాఖపట్నంకు చెందిన డాక్టర్. మురళీమోహన్ కు,
తిరుపతికి చెందినడాక్టర్.యుగంధర్ కు ప్రకటించారు. ఆంధ్ర ప్రదేశ్ ఐఎంఏ కు పలు
జాతీయ పురస్కారాలు రావడం పట్ల ఐఎంఏ జాతీయ ఉపాధ్యక్షులు డాక్టర్. శ్రీహరి రావు,
డీన్ డాక్టర్ రమేష్, ఐఎంఏ ఆంధ్రప్రదేశ్ రాష్ట్ర అధ్యక్షులు డాక్టర్. ఎం. జయ
చంద్ర నాయుడు, మాజీ అధ్యక్షులు డాక్టర్. జి.రవికృష్ణ, ప్రధాన కార్యదర్శి
డాక్టర్. ఫణి ధర్ , పలువురు మాజీ ఐఎంఏ రాష్ట్ర అధ్యక్షులు హర్షం ప్రకటించి
పురస్కార గ్రహీతలకు అభినందనలు తెలిపారు.