2047 నాటికి అభివృద్ధి చెందిన భారతదేశం లక్ష్యం

మన సంకల్పం – వికసిత్ భారత్ సంకల్ప యాత్ర ద్వారా ప్రజలలో కేంద్ర ప్రభుత్వ
పథకాలపై అవగాహన కల్పించడం లక్ష్యం * రాష్ట్ర గవర్నర్ ఎస్. అబ్దుల్ నజీర్ *
శ్రీ పద్మావతి మహిళా విశ్వ విద్యాలయం ప్రియదర్శిని ఆడిటోరియంలో ఏర్పాటు చేసిన
వికసిత్ భారత్ సంకల్ప యాత్ర
తిరుపతి : 2047 సం. నాటికి భారత్ ఒక మాహా శక్తివంతమైన దేశంగా నిలవనున్నదని,
కేంద్ర ప్రభుత్వ పథకాలను ప్రజలు అవగాహన కలిగి వినియోగించుకోవాలని, అధికారులు,
ప్రభుత్వ యంత్రాంగం అవగాహన కల్పించాల్సిన అవసరం ఎంతైనా ఉందని అందుకే ఈ
కార్యక్రమం అన్నారు. సోమవారం శ్రీ పద్మావతి మహిళా విశ్వ విద్యాలయం
ప్రియదర్శిని ఆడిటోరియంలో ఏర్పాటు చేసిన వికసిత్ భారత్ సంకల్ప యాత్ర
కార్యక్రమంలో గవర్నర్ ముఖ్య అతిథిగా పాల్గొనగా, శ్రీ పద్మావతి మహిళా
విశ్వవిద్యాలయం వైస్ చాన్సలర్ ప్రొఫెసర్ భారతి, జిల్లా కలెక్టర్ కే వెంకట
రమణారెడ్డి, ఎంఎల్సి సిపాయి సుబ్రహ్మణ్యం, తిరుపతి నగర పాలక సంస్థ మేయర్,
కమిషనర్ శ్రీమతి శిరీష, హరిత, జిల్లా గ్రామ పంచాయతీ అధికారి రాజశేఖర్ రెడ్డి
హాజరయ్యారు. గవర్నర్ గారు మాట్లాడుతూ వికసిత్ భారత్ సంకల్ప్ యాత్ర కార్యక్రమం
సందర్భంగా హాజరైన ప్రముఖులందరికీ హృదయపూర్వక శుభాకాంక్షలు తెలిపారు. భారత
ప్రభుత్వం, రాష్ట్రాలు మరియు కేంద్రపాలిత ప్రాంతాల భాగస్వామ్యంతో, పారిశుద్ధ్య
సౌకర్యాలు, అవసరమైన ఆర్థిక సేవలు, LPG కనెక్షన్లకు ప్రాప్యత, పేదలకు గృహాలు,
ఆహార భద్రత వంటి ప్రాథమిక సౌకర్యాలను అందించడానికి దాని ప్రధాన పథకాల ద్వారా
సంతృప్త మిషన్లో చురుకుగా నిమగ్నమై ఉంది. సరైన పోషకాహారం, నమ్మకమైన ఆరోగ్య
సంరక్షణ, స్వచ్ఛమైన తాగునీరు, నాణ్యమైన విద్య తదితర అవసరమైన సేవలను అర్హులైన
లబ్ధిదారులందరికీ అందుబాటులో ఉంచడం లక్ష్యం అని తెలిపారు. లాస్ట్ మైల్
డెలివరీని సులభతరం చేయడానికి పౌరులకు లభించే ప్రయోజనాలు మరియు వివిధ సౌకర్యాల
గురించి అవగాహన కల్పించడం ఇందులో మరొక దశ అని అన్నారు. సంక్షేమ పథకాల
ప్రయోజనాలను అర్హులందరికీ అందేలా అవగాహన కల్పించడంతో పాటు కోట్లాది మంది పౌరుల
నిర్లక్ష్య భావనను దూరం చేయడం ఈ యాత్ర లక్ష్యం. 2047 నాటికి స్వావలంబన మరియు
అభివృద్ధి చెందిన భారతదేశం యొక్క లక్ష్యాన్ని సాధించడం, భారత ప్రభుత్వ పథకాల
సంతృప్తతను సాధించడం, దుర్బల జనాభాను చేరుకోవడంపై దృష్టి సారించడం యాత్ర
లక్ష్యం అని, వివిధ పథకాల కింద అర్హులై ఉండి, కానీ ఇప్పటివరకు ప్రయోజనాలను
పొందని బలహీన వర్గాలను చేరుకోవడానికి సమాచార వ్యాప్తి , పథకాల గురించి అవగాహన
కల్పించడం, వారి వ్యక్తిగత కథనాలు మరియు అనుభవ భాగస్వామ్యం ద్వారా ప్రభుత్వ
పథకాల లబ్ధిదారులతో పరస్పర ముఖాముఖి ద్వారా పౌరుల నుండి నేర్చుకోవడం, యాత్ర
సమయంలో నిర్ధారించబడిన వివరాల ద్వారా సంభావ్య లబ్ధిదారుల నమోదు దీని ముఖ్య
ఉద్దేశ్యం అని అన్నారు. స్వామిత్వ – గ్రామాల సర్వే మరియు గ్రామ ప్రాంతాల్లో
మెరుగైన సాంకేతికతతో మ్యాపింగ్ వంటి అనేక సంక్షేమ, అభివృద్ధి పథకాలు పేద ప్రజల
సంక్షేమానికి ఎంతగానో తోడ్పడుతున్నాయని తెలిపారు. భారత ప్రభుత్వం, రాష్ట్ర
ప్రభుత్వాలు, కేంద్ర ప్రభుత్వంలోని వివిధ మంత్రిత్వ శాఖలు మరియు శాఖల
క్రియాశీల భాగస్వామ్యంతో మొత్తం ప్రభుత్వ విధానాన్ని అవలంబించడం ద్వారా
వికసిత్ భారత్ సంకల్ప్ యాత్ర’ ప్రచారం ప్రారంభించబడిందని, సంస్థలు మరియు దేశ
పౌరుల ప్రయోజనం కోసం మరియు విక్షిత్ భారత్ యొక్క విజన్ను సాకారం చేయడం కోసం,
అన్ని వాటాదారుల విస్తృత భాగస్వామ్యాన్ని నిర్ధారించడానికి, భారతదేశానికి
స్వాతంత్ర్యం వచ్చి వందేళ్లు పూర్తి చేసుకున్న సందర్భంగా వచ్చే 25 సంవత్సరాలను
2047 వరకు పొడిగించడాన్ని ‘అమృత్ కాల్’ అని పిలుస్తామని, “అమృత్ కాల్” సమయంలో
తీసుకున్న నిర్ణయాలు, చర్యలను మన ప్రధాన మంత్రి నరేంద్ర మోదీ తరచుగా చెబుతూ
ఉంటారని తెలిపారు. భవిష్యత్ సహస్రాబ్దిపై లోతైన మరియు శాశ్వత ప్రభావాన్ని
కలిగి ఉంటాయని, భారతదేశం మరియు భారతదేశ పౌరుల శ్రేయస్సు యొక్క కొత్త శిఖరాలను
అధిరోహించడం అమృత్ కాల్ యొక్క లక్ష్యం. ‘అమృత్ కాల్’ భారతీయుల జీవితాలను
మెరుగుపరచడం , గ్రామాలు, నగరాల మధ్య అభివృద్ధిలో అంతరాన్ని తగ్గించడం
లక్ష్యం అని అన్నారు. వికసిత్ భారత్ సంకల్ప్ యాత్ర అన్ని సంక్షేమ పథకాల
ప్రయోజనాలను చివరి మైలు ప్రజల వరకు చేరేలా లక్ష్యంగా సాగుతోందని మరియు
దేశంలోని ఏ అర్హతగల వ్యక్తి కూడా అభివృద్ధి పయనానికి దూరంగా ఉండకూడదని, పేదలు
వెనుకబడితే దేశం సుభిక్షంగా ఉండదని, భారత ప్రభుత్వం అమలు చేస్తున్న అనేక
సంక్షేమ పథకాల ద్వారా పేదలను సమ్మిళిత అభివృద్ధి యొక్క ప్రధాన స్రవంతిలోకి
తీసుకురావడమే లక్ష్యం అని గుర్తు చేశారు. మన ప్రధాన మంత్రి శ్రీ నరేంద్ర మోదీ
చెప్పినట్లుగా “ప్రభుత్వం పౌరుల అవసరాలను గుర్తించి వారికి వారి హక్కులను
అందించాలి. ఇది సహజ న్యాయం, ఇది సామాజిక న్యాయం”అని కోట్ చేశారు. భారత
ప్రభుత్వం అమలు చేస్తున్న వివిధ ఫ్లాగ్షిప్ ప్రోగ్రామ్ల గురించి అర్హులందరికీ
అవగాహన కల్పించాలని, వివిధ ఔట్రీచ్ ప్రోగ్రామ్ల క్రింద అందించే ప్రయోజనాలను
పొందాలని ప్రజాప్రతినిధులు, అధికారులు, అనధికారులు, పౌర సమాజ సంస్థల
సభ్యులందరినీ నేను అభ్యర్థిస్తున్నానని కోరారు. ప్రజాప్రతినిధులు, సంబంధిత
శాఖల అధికారులు అందరూ చురుగ్గా పాల్గొంటేనే వికసిత్ భారత్ సంకల్ప్ యాత్ర
విజయవంతం అవుతుందని తెలిపారు. కలెక్టర్ మాట్లాడుతూ పేద ప్రజల జీవన ప్రమాణాలు
పెంపొందించేలా తిరుపతి జిల్లాలో కేంద్ర ప్రభుత్వ పథకాలు అమలు చేయబడుతున్నాయని
తెలిపారు. కేంద్ర ప్రభుత్వ నిర్దేశాలు మేరకు పి ఎం కిసాన్ యోజన, ఫసల్ భీమా
యోజన, ఆయుష్మాన్ భారత్, పీ ఎం పోషణ అభియాన్, పీఎం ఆవాస్ యోజన గ్రామీణ, పట్టణ
ప్రజలకు గృహ వసతి, పీఎం పెన్షన్, అటల్ పెన్షన్ వంటి తదితర బృహత్తర
కార్యక్రమాలను అమలు చేస్తున్నామని తెలిపారు. పీఎం విశ్వ కర్మ యోజన, అమృత్
సరోవర్, జల జీవన్ మిషన్, పీఎం కిసాన్ వంటి పలు సంక్షేమ, అభివృద్ధి పథకాలు
కేంద్ర ప్రభుత్వం అమలు చేస్తున్న వాటిని ప్రజలకు అందచేస్తున్నమని కేంద్ర
ప్రభుత్వానికి కృతజ్ఞతలు తెలిపారు. వికసిత్ భారత్ సంకల్ప యాత్ర వాహనాలు
జిల్లాలోని గ్రామీణ, పట్టణ ప్రాంతాల్లో నిర్దేశిత షెడ్యూల్ మేరకు పర్యటిస్తూ
ప్రజలకు కేంద్ర ప్రభుత్వ పథకాలపై అవగాహన కల్పిస్తున్నామని వివరించారు. అనంతరం
పిఎం గారి రికార్డెడ్ సందేశం ఎల్ఈడి తెరపై ఆహుతులు వీక్షించారు. గవర్నర్
ప్రసంగానికి ముందు మన సంకల్పం – వికసిత్ భారత్ సంకల్ప యాత్ర వాహనాన్ని గవర్నర్
జెండా ఊపి ప్రారంభించారు. అనంతరం తిరుపతి నగర పాలక సంస్థ,మహిళా శిశు సంక్షేమ
శాఖ, వైద్య ఆరోగ్య శాఖ, మెప్మా, డిఆర్డిఎ, వ్యవసాయ శాఖ, పౌర సరఫరాల శాఖ తదితర
శాఖలు ఏర్పాటు చేసిన కేంద్ర ప్రభుత్వ పథకాల స్టాల్, సెంట్రల్ బ్యూరో ఆఫ్
ఇన్ఫర్మేషన్, నెల్లూరు వారి స్టాల్ లను సందర్శించారు. కేంద్ర ప్రభుత్వ పథకాల
లబ్ది పొంది వారి జీవన ప్రమాణాలను పెంపొందించుకుని ఆదర్శంగా నిలిచిన
లబ్ధిదారులను గవర్నర్ సన్మానించారు. ఎమెల్సి సిపాయి సుబ్రహ్మణ్యం మాట్లాడుతూ
విశ్వ గురువు అంటే భారత దేశం అని, గోధుమ ఎగుమతి, కరోనా వ్యాక్సిన్ ఇతర దేశాలకు
ఎగుమతి చేసే స్థాయికి చేరుకుంది. సాగర మాల ద్వారా అభివృద్ధి పలు సంక్షేమ
అభివృద్ధి కార్యక్రమాల అమలు ద్వారా ప్రపంచానికే దిక్సూచిగా నిలిచిందని
అన్నారు. నగర పాలక మేయర్ మాట్లాడుతూ వికసిత్ భారత్ సంకల్ప యాత్ర ఒక బృహత్తర
కార్యక్రమం అని కేంద్ర ప్రభుత్వ పథకాలను పేదవారి ముంగిటకు చేర్చడం ఇది ఒక
అద్భుతమైన కార్యక్రమం అని, రాష్ట్ర ప్రభుత్వం కేంద్ర ప్రభుత్వ పథకాలను ఎంతో
మేలుగా అమలు చేస్తోందని అన్నారు. ఈ కార్యక్రమంలో వివిధ శాఖల జిల్లా అధికారులు,
సిబ్బంది యూనివర్సిటీ విద్యార్థిని విద్యార్థులు తదితరులు పాల్గొన్నారు.