తిరుమల : విఐపీ విరామ సమయంలో తిరుమల శ్రీవారిని జాతీయ మీడియా, అంతర్రాష్ట్రీయ వ్యవహారాల సలహాదారు దేవులపల్లి అమర్ శనివారం కుటుంబ సమేతంగా దర్శించుకున్నారు. తిరుమల శ్రీవారి ఆలయానికి చేరుకున్న వీరు ముందుగా ధ్వజ స్థంభానికి మొక్కి మొక్కులు చెల్లించుకున్నారు. శ్రీవారి దర్శన అనంతరం రంగనాయక మండపంలో వేద పండితులు ఆశీర్వచనం పలికి తీర్థప్రసాదాలు అందచేశారు. అనంతరం తిరుమల నుండి రేణిగుంట విమానాశ్రయంకు బయల్దేరి తిరుగు ప్రయాణమయ్యారు.
