తిరుమల : తిరుమల శ్రీవారిని తెలంగాణ మంత్రి శ్రీనివాస్ గౌడ్ దర్శించుకున్నారు. సోమవారం స్వామివారి సుప్రభాత సేవలో ఆయన పాల్గొన్నారు. టీటీడీ ఆలయ అధికారులు ఆయనకు స్వాగతం పలికి దర్శన ఏర్పాట్లు చేశారు. అనంతరం ఆలయ అధికారులు ఆయనకు స్వామివారి తీర్థప్రసాదాలను అందజేశారు. దర్శన అనంతరం మంత్రి శ్రీనివాస్ గౌడ్ మీడియాతో మాట్లాడుతూ గత పదేళ్లలో తెలంగాణలో అన్ని వర్గాలకు ఉపాధి అవకాశాలు కల్పించామన్నారు. దేశానికి అన్నం పెట్టే స్థాయికి రాష్ట్రం వచ్చిందన్నారు. మూడో సారి ఎన్నికలకు వెళ్తున్న కేసీఆర్‌ మళ్లీ ముఖ్యమంత్రి అవ్వాలని శ్రీవారిని ప్రార్థించినట్లు తెలిపారు.
