మోడీ వ్యాఖ్యలు దిగ్భ్రాంతిని కలిగించాయన్న కేటీఆర్
తెలంగాణ ప్రజల మనోభావాలను దెబ్బతీస్తున్నారని ఆగ్రహం
మోడీ..తెలంగాణ విరోధి అంటూ ట్వీట్
పదేపదే విషం చిమ్ముతున్నారని విమర్శ
తెలంగాణ పట్ల చులకన భావం ఎందుకని ప్రశ్న
తెలంగాణలో డబుల్ డిజిట్ సీట్లు కూడా రావు
హైదరాబాద్ : రాష్ట్ర విభజనపై ప్రధాని నరేంద్ర మోడీ వ్యాఖ్యలు దిగ్భ్రాంతిని
కలిగించాయని తెలంగాణ మంత్రి కేటీ రామారావు అన్నారు. తెలంగాణ ప్రజల మనోభావాలను
ప్రధాని నరేంద్ర మోడీ దెబ్బతీస్తున్నారన్నారు. అదే సమయంలో తెలంగాణ ఆవిర్భావ
వేడుకలు జరుపుకోలేదనడం సరికాదని, ఇది అజ్ఞానానికి,అహంకారానికి నిదర్శనమన్నారు.
ఈ మేరకు ఆయన ఎక్స్ (ట్విట్టర్) వేదికగా ట్వీట్ చేశారు. మోడీ తెలంగాణ విరోధి
అంటూ ట్వీట్‌ను ప్రారంభించారు. అంతకుముందు, కాంగ్రెస్ అర్ధ శతాబ్ధపు పాలన
మోసం.. వంచన.. ద్రోహం.. దోఖాలమయం.. అంటూ విమర్శలతో ట్వీట్ చేశారు.
