మరో పాన్ ఇండియా చిత్రంలో రాష్మిక..?

ఇటు దక్షిణాది అటు ఉత్తరాది చిత్రాలతో రష్మిక మందన్న కెరీర్ ఊపుమీదుంది.
ఇప్పటికే పలువురు అగ్రహీరోల సరసన అమ్మడు అవకాశాలు దక్కించుకుంది. అల్లు
అర్జున్ సరసన ‘పుష్ప 2’లో నటిస్తోంది. డీ 51లో ధనుష్ తో జోడీ కడుతోంది. తాజాగా
మరో పాన్ ఇండియా చిత్రంలో రష్మికకు అవకాశం దక్కిందని కోలీవుడ్ వర్గాల్లో
ప్రచారం జరుగుతోంది. తమిళ హీరో విక్రమ్ సరసన ఆమె నటించబోతున్నారని
చెబుతున్నారు. మలయాళ చిత్రం ‘2018’ ని తెరకెక్కించిన జూడ్ జోసెఫ్ ఆంథోని
దర్శకత్వం వహిస్తున్నారు. లైకా ప్రొడక్షన్స్ భారీ స్థాయిలో నిర్మిస్తోంది.
విక్రమ్ హీరోగా నటిస్తుండడంతో రష్మిక కెరీర్ మరింత ఊపు అందుకునే అవకాశం ఉంది.
గతంలో రష్మిక తమిళంలో ‘వారసుడు’, ‘సుల్తాన్’ చిత్రాల్లో నటించారు. అలాగే
బాలీవుడ్ లో విక్కీ కౌశల్ సరసన ఆమె నటిస్తున్నారని సినీ వర్గాలలో ప్రచారం
జరుగుతుంది.