మరోసారి రిపీట్ కానున్న హిట్ కాంబో..?

ఇటీవల విడుదలైన ‘మిస్ శెట్టి
మిస్టర్ పోలిశెట్టి’ చిత్రంతో మంచి విజయాన్ని అందుకున్నారు యువ కథానాయకుడు
నవీన్ పోలిశెట్టి, స్టాండప్ కమెడియన్ గా ఆయన నటన అందరిని ఆకట్టుకుంటున్నది.
దీంతో ఆయన తదుపరి సినిమా ఏమిటన్నది ఆసక్తికరంగా మారింది. తాజా సమాచారం ప్రకారం
‘జాతిరత్నాలు’ చిత్రం ద్వారా తన కెరీర్ లోనే పెద్ద హిట్ ను అందించిన దర్శకుడు
అనుదీప్ కేవీతో నవీన్ పోలిశెట్టి ఓ చిత్రానికి గ్రీన్ సిగ్నల్ ఇచ్చినట్లు
తెలిసింది. ‘జాతిరత్నాలు’ తరహాలోనే సరికొత్త కామెడీ ఎంటర్టైన్మెంట్ గా ఈ
సినిమా ఉండబోతుందని ఓ అగ్రనిర్మాణ సంస్థ ఈ చిత్రాన్ని తెరకెక్కిస్తుందని సినీ
వర్గాలలో వినిపిస్తోంది. ఈ సూపర్ హిట్ కాంబో రిపీట్ అవుతుందా లేదా అని
తెలియాలంటే వేచి చూడాల్సిందే మరి.