‘గేమ్ చేంజర్’ లో 70ఏళ్ల వ్యక్తిగా..రామ్ చరణ్..?

విభిన్నమైన పాత్రల్లో నటించడానికి ఎప్పుడు ముందుంటారు రామ్ చరణ్. ‘మగధీర’
సినిమాలో ద్విపాత్రాభినయంలో నటించాడు. ‘రంగస్థలం’ చిత్రంలో చిట్టిబాబుగా
నటించి తనలోని కొత్త నటుడిని ప్రేక్షకులకు పరిచయం చేశాడు. ‘ఆర్ఆర్ఆర్’లో
రామరాజు
పాత్రతో గ్లోబల్ స్టార్ గా మారిపోయిన ఆయన ప్రస్తుతం ‘గేమ్ చేంజర్’ చిత్రంలో
నటిస్తున్నాడు.ఈ సినిమాలో రామ్ చరణ్ వైవిధ్యంగా కనిపించనున్నారట పైగా ఇందులో
ఆయన ద్విపాత్రాభినయం చేస్తున్నట్టు సమాచారం. రెండో పాత్రకు సంబంధించిన ఫొటోలు
కూడా కొన్ని బయటకొచ్చాయి. అందులో చరణ్ 70ల్లో వ్యక్తిగా ఖద్దరు వస్త్రాలు
ధరించి సైకిల్ మీద వెళ్తూ కనిపించాడు.
‘మగధీర’ మాదిరిగానే ఇందులోని పాత్రలకూ అస్సలు పొంతన ఉండదని సినీవర్గాల టాక్.
అలాగే అందులోని ఓ పాత్ర చరణ్ కి ‘రంగస్థలం’ అంత పేరు తెచ్చేలా ఉంటుందని
తెలిసింది. ఏది ఏమైనా ఓ వైపు కమర్షియల్ సినిమాలు చేస్తూనే మధ్యమధ్య విభిన్న
నటుడిగా పేరు తెచ్చిపెట్టే పాత్రలను ఎంచుకుంటూ ముందుకు సాగుతున్నారు.