ఆ పాత్ర ఇవ్వడాన్ని నమ్మలేకపోయాను: శోభిత ధూళిపాళ

నాగచైతన్య రూమర్ గర్ల్ ఫ్రెండ్, నటి శోభిత ధూళిపాళ తనకు చేతినిండా పని లేకపోతే
అస్సలు నిద్రపట్టదు అంటుంది. ఇటీవల వచ్చిన ‘మేడ్ ఇన్ హెవెన్ సీజన్ 2’తో
అభిమానులను అలరించిన ఆమె.. జోయా అక్తర్ తనకు ప్రధాన పాత్ర ఇవ్వడం
నమ్మలేకపోయానని చెప్పింది. ‘నా టాలెంట్ ఆధారంగానే మెయిన్ క్యారెక్టర్ ఇచ్చారని
నమ్ముతున్న. నా పాత్ర నిజ జీవితానికి దగ్గరగా ఉంటుంది. ధైర్యం, నైతిక విలువలు,
హడావుడి చేసే మనస్తత్వం అన్ని సేమ్. అందుకే జనాలు నన్ను ఆదరిస్తున్నారు. వాళ్ల
అభిమానమే మరిన్ని మంచి పాత్రలు ఎంచుకునేలా ప్రోత్సహిస్తుంది’ అని చెప్పింది.
అయితే తనకెప్పుడూ చేతినిండా పని ఉండాలని కోరుకున్నప్పటికీ తరచూ తెరపై
కనిపించాలనే తపనతో గుడ్డిగా పాత్రలు ఎంచుకోనని తెలిపింది. ‘నాకంటూ కొన్ని
ఇష్టాలు, అభిరుచులున్నాయి. వాటికి అనుగుణంగానే నడుచుకుంటా. సైన్ చేసిన
క్యారెక్టర్ కు వందశాతం న్యాయం చేస్తా’ అని తెలిపింది. చివరగా ‘డాన్ 3’లో
అవకాశంపై ఎలాంటి క్లారిటీ ఇవ్వని శోభిత ఛాన్స్ వస్తే వదులుకోనని చెప్పింది.