సదస్సు నిర్వహణ అద్భుతమని కితాబు
న్యూఢిల్లీ : ఢిల్లీలో జరిగిన జీ20 శిఖరాగ్ర సదస్సుపై సభ్య దేశాల నేతలు హర్షం
వ్యక్తం చేశారు. సమావేశాలు జరిగిన తీరును, జీ20కి భారత్ అధ్యక్షతను
ప్రశంసించారు. ఉక్రెయిన్‌ యుద్ధాన్ని వ్యతిరేకిస్తున్న పశ్చిమ దేశాలు సహా
రష్యా కూడా ఈ అంశంపై డిక్లరేషన్‌లో ఏకాభిప్రాయం సాధించిన భారత్‌పై ప్రశంసలు
కురిపించాయి.
దేశాధినేతలతో మోడీ బిజీబిజీ : కెనడా ప్రధానితో ‘ఖలిస్థానీ’ నిరసనలపై చర్చ
సమావేశాలకు హాజరైన పలు దేశాల అధ్యక్షులతో విడివిడిగా ప్రధాని నరేంద్ర మోడీ
భేటీ అయ్యారు. ఫ్రాన్స్-భారత్ మధ్య సంబంధాలను మరింత బలోపేతం చేసే దిశగా చర్చలు
జరిగాయని ప్రధాని నరేంద్ర మోడీ ట్వీట్ చేశారు. మరోవైపు కెనడాలో ఖలిస్థానీ
నిరసనలపై ప్రధాని మోదీతో చర్చించినట్లు ఆ దేశ ప్రధాని తెలిపారు.
