సెప్టెంబర్ 28న యానిమల్ టీజర్…

‘అర్జున్ రెడ్డి’ సినిమాతో అందరి దృష్టి తన వైపు తిప్పుకున్నారు దర్శకుడు
సందీప్ రెడ్డి వంగా, ఈ సినిమాను హిందీలో రీమేక్ చేసి అక్కడా మంచి విజయాన్ని
అందుకున్నారాయన. ప్రస్తుతం ఆయన బాలీవుడ్ యువ కథానాయకుడు రణ్ బీర్ కపూర్ ప్రధాన
పాత్రలో ‘యానిమల్’ చిత్రాన్ని తెరుకెక్కిస్తున్నారు. రష్మిక కథానాయిక.
ఇప్పటికే ఈ సినిమా నుంచి విడుదలైన ప్రీ టీజర్ సినీమాపై అంచనాలను రెట్టింపు
చేసింది. తాజాగా ఈ సినిమా టీజర్ ను రణ్ బీర్ పుట్టినరోజున విడుదల చేయడానికి
సన్నాహాలు చేస్తున్నట్లు సమాచారం. రణ్ బీర్ కపూర్ పుట్టిన రోజు సందర్భంగా
సెప్టెంబరు 28న టీజర్ ను విడుదల చేయనున్నారు. ఇప్పటికే దీనికి సంబంధించిన
పనులను పూర్తి చేసింది చిత్రబృందం. రణ్ బీర్ కపూర్ అభిమానులకు ఈ ఎపిక్ టీజర్
తో మంచి ట్రీట్ ఇవ్వనుందని సన్నిహిత వర్గాల్లో చర్చ జరుగుతోంది.