అది నాకు దక్కిన అదృష్టంగా భావిస్తున్నాను: నయనతార

టాలీవుడ్ అగ్ర కథానాయిక నయనతార తాజాగా బాలీవుడ్ అరంగేట్రం చేసిన సంగతి
తెలిసిందే. ఈ ముద్దుగుమ్మ మొదటి సినిమా ‘జవాన్’ తో బాలీవుడ్ లో బిగ్ హిట్ నీ
సొంతం చేసుకుంది. ఈ సినిమా విజయంపై ఎంతో ఆనందంగా ఉంది. షారుఖ్ ఖాన్ హీరోగా
అట్లీ తెరకెక్కించిన ఈ మూవీ గురువారం ప్రేక్షకుల ముందుకురాగా దేశ వ్యాప్తంగా
భారీ వసూళ్లు రాబడుతుంది. ఈ సందర్భంగా ఓ ఇంటర్వ్యూలో పాల్గొన్న ఆమె
మాట్లాడుతూ.. షారుఖ్ తో బాలీవుడ్ లోకి ఎంట్రీ ఇవ్వడం ఆనందంగా ఉందని, నిజంగా
ఇది తనకు దక్కిన అదృష్టంగా భావిస్తున్నానని చెప్పింది. అలాగే బీ టౌన్
అరంగేట్రానికి ఇంత సమయం ఎందుకు తీసుకున్నారని ప్రశ్నించగా… “దేనికైనా సరైన
సమయం రావాలి. కాస్త ఆలస్యమైనా నా అభిమాన హీరో షారుఖ్ తో బాలీవుడ్ లో పరిచయం
కావడం చాలా హ్యాపీగా ఉంది. దక్షిణాదితో పాటు బాలీవుడ్ కు కూడా సమాన
ప్రాధాన్యతనిస్తా, ఎక్కడ అవకాశాలను వదులుకోను అంటూ చెప్పుకొచ్చింది.