‘చిరు’ కి జోడీగా మృణాల్..?

‘సీతారామం’ చిత్రంలో కథానాయికగా తన అందం , అభినయంతో తెలుగు ప్రేక్షకుల
హృదయాలలో చోటు సంపాదించుకుంది మృణాల్ ఠాకూర్. ప్రస్తుతం వరుస చిత్రాలతో
జోరుమీదున్న ఈ ముద్దుగుమ్మ మరో అరుదైన అవకాశాన్ని అందుకున్నారని సమాచారం.
చిరంజీవి కథానాయకుడిగా ‘బింబిసార’ ఫేం వశిష్ఠ ఓ చిత్రాన్ని
తెరకెక్కిస్తున్నారు. ఇందులో మృణాల్ ను హీరోయిన్ గా ఎంపిక చేశారని పరిశ్రమ
వర్గాల్లో వినిపిస్తోంది. ఈ చిత్రంలో నటన పరంగా ప్రాధాన్యం ఉన్న పాత్ర కావడంతో
మృణాల్ అయితే బాగుంటుందని చిత్రబృందం భావిస్తోందట. మరి ఆమె ఈ చిత్రం
అంగీకరించారా లేదా అనేది తెలియాలంటే కొద్ది రోజులు ఆగాల్సిందే.