ఆ హీరోతో కలిసి సినిమా చూడాలనుకుంటున్నా షారుఖ్ ..!

షారుక్ ఖాన్, మహేశ్ బాబు మధ్య జరిగిన ఓ సరదా సంభాషణ తాజాగా వైరల్ గా మారింది.
‘జవాన్’ చిత్రాన్ని ఉద్దేశిస్తూ వీరిద్దరూ ట్వీట్స్ చేసుకున్నారు. బాలీవుడ్
నటుడు షారుక్ ఖాన్ నటించిన ‘జవాన్’ చిత్రాన్ని కుటుంబంతో కలిసి
చూడాలనుకుంటున్నాను అని మహేష్ బాబు ట్వీట్ చేశారు. ఈ చిత్రం బ్లాక్ బస్టర్
విజయం అందుకోవాలంటూ రాసుకొచ్చారు. దీనిపై షారుక్ స్పందిస్తూ… “థాంక్యూ సో
మచ్ మై ఫ్రెండ్ ‘జవాన్’ నీకు నచ్చుతుందని అనుకుంటున్నా. నువ్వు ఎప్పుడు ఈ
సినిమా చూడాలనుకుంటున్నావో చెబితే.. నేనూ కూడా నీతో కలిసి సినిమాకి వస్తా.
నీకు, నీ కుటుంబానికి నా ప్రేమపూర్వక అభినందనలు” అని షారుక్ ట్వీట్ చేశారు.
ప్రస్తుతం ఇది అభిమానుల దృష్టిని ఆకర్షిస్తోంది. షారుక్ – మహేశ్ మంచి
స్నేహితులనే విషయం తెలిసిందే. గతంలో ‘బ్రహ్మోత్సవం’ సెట్ కి షారుక్
ప్రత్యేకంగా వెళ్లి మహేష్ నీ కలిశారు. కాసేపు సరదాగా మాట్లాడుకున్నారు. ఆ
ఫొటోలు అప్పట్లో వైరల్ గా మారాయి. ఇక, జవాన్ విషయానికి వస్తే.. అట్లీ షారుక్
కాంబోలో తెరకెక్కిన చిత్రమిది. యాక్షన్ ఎంటర్టైనర్ గా గురువారం విడుదలకు
సిద్ధమైంది. ఇందులో షారుక్ దాదాపు 7 గెటప్స్ లో కనిపించనున్నారు. నయనతార
కథానాయిక. దీపికా పదు కొణె అతిథి పాత్రలో కనిపించనున్నారు. ఇప్పటికే విడుదలైన
ప్రచార చిత్రాలు సినిమాపై అంచనాలను పెంచాయి. తాజా సమాచారం ప్రకారం ఈ సినిమాలో
సంజయ్ దత్, అతిథి పాత్ర పోషించినట్లు తెలుస్తోంది. సినిమాలోని ఓ కీలక
సన్నివేశంలో సంజయ్ దత్ కనిపించనున్నారని సమాచారం.