నన్ను ఓ కొత్త కోణంలో చూడబోతున్నారు: కరీనా కపూర్

వైవిధ్యమైన పాత్రలను ఎంచుకుంటూ తెరపై తన నటనతో ప్రేక్షకులను ఆకట్టుకుంటోంది
బాలీవుడ్ కథానాయిక కరీనా కపూర్. ఇప్పుడు ఆమె ఓటీటీ వేదికగా అలరించడానికి
ముస్తాబవుతోంది. ఆమె ప్రధాన పాత్రలో నటిస్తున్న చిత్రం ‘జానే జాన్’. ఈ
చిత్రాన్ని సుజోయ్ ఘోష్ తెరకెక్కిస్తున్నారు. తాజాగా ఈ సినిమా ట్రైలర్ ను
విడుదల చేసింది చిత్రబృందం. ఓ ఒంటరి మహిళ, ఉపాధ్యాయుడు, పోలీసు జీవితాలను
అన్వేషిస్తూ మొదలైన ఈ ట్రైలర్ ఆకట్టుకుంటుంది. కరీనా మాట్లాడుతూ.. ‘మొదటి సారి
నన్ను ప్రేక్షకులు ఒక క్రైమ్ థ్రిల్లర్ చిత్రంలో కొత్త కోణంలో చూడబోతున్నారు’
అని చెప్పుకొచ్చింది. తన భర్తను హత్య చేసిన మాయ అనే మహిళ ఆ రహస్యాన్ని దాచి
పెట్టడానికి ఎలాంటి ప్రయత్నాలు చేస్తుందనేది ఈ సినిమాలో చూపించనున్నారు. ఈ
సినిమా ఓటీటీ వేదికగా ఈ నెల 21న విడుదల కానుంది.