జోరు ప్రదర్శిస్తున్న వైష్ణవి చైతన్య..!

“బేబి” సినిమాతో అందరి దృష్టినీ తన వైపు తిప్పుకున్న కథానాయిక…వైష్ణవి
చైతన్య. అచ్చమైన ఈ తెలుగింటి అమ్మాయి తన నటనతో కుర్రకారు హృదయాలను పిండేసిందనే
చెప్పాలి. ఇప్పుడు కొత్త అవకాశాల విషయంలోనూ జోరు ప్రదర్శిస్తోంది. యువ
కథానాయకులు సిద్ధు జొన్నలగడ్డ, ఆశిష్ సినిమాల్లో కథానాయికగా వైష్ణవి చైతన్య
ఎంపికైంది. సిద్ధు జొన్నలగడ్డ కథానాయకుడిగా బొమ్మరిల్లు భాస్కర్ దర్శకత్వంలో
ఇటీవలే ఓ చిత్రం మొదలైన విషయం తెలిసిందే. బీవీఎస్ఎన్ ప్రసాద్ నిర్మాత. ఇందులో
కథానాయికగా వైష్ణవి చైతన్యని ఎంపిక చేశారు. ఆశిష్ కథానాయకుడిగా అరుణ్ భీమవరపు
దర్శకత్వంలో చిత్రం కూడా ఇటీవలే మొదలైంది. దిల్ రాజు ప్రొడక్షన్స్ పతాకంపై
హర్షిత్ రెడ్డి, హర్షిత రెడ్డి, నాగార్జున మల్లిడి సంయుక్తంగా
నిర్మిస్తున్నారు. ఈ సినిమాకీ వైష్ణవి చైతన్య పచ్చజెండా ఊపిందనీ తెలుస్తోంది.