వచ్చేవారం నుంచి కొత్త షెడ్యూల్..

కథానాయకుడు ప్రభాస్ దర్శకుడు మారుతి కలయికలో ఓ చిత్రం తెరకెక్కుతోన్న సంగతి
తెలిసిందే. పీపుల్ మీడియా ఫ్యాక్టరీ సంస్థ ఈ చిత్రాన్ని నిర్మిస్తోంది.
చిత్రీకరణ దశలో ఉన్న ఈ సినిమా వచ్చేవారం నుంచి కొత్త షెడ్యూల్
ప్రారంభించుకోనుంది. ఇందులో భాగంగా హైదరాబాద్ లో వేసిన ప్రత్యేక సెట్ లో
ప్రభాస్ పై ఓ ఫైట్ సీక్వెన్స్ చిత్రీకరించనున్నారని సమాచారం. వినోదం, హారర్
అంశాలు నిండిన ఆసక్తికర కథాంశంతో ఈ చిత్రం రూపొందుతున్నట్లు ప్రచారం
వినిపిస్తోంది. ఇందులో నిధి అగర్వాల్, మాళవిక మోహనన్, రిద్ది కుమార్
కథానాయికలుగా నటిస్తున్నారు. ప్రభాస్ ప్రస్తుతం నాగ్ అశ్విన్ తెరకెక్కిస్తున్న
‘కల్కి 2898ఎ, డి’ సినిమా చిత్రీకరణలో బిజీగా ఉన్నారు.