నా పాత్రలో మంచి భావోద్వేగాలు ఉంటాయి: నవీన్ పోలిశెట్టి

news descriptionమిస్ శెట్టి మిస్టర్ పోలిశెట్టి యునిక్ రొమాంటిక్ ఫ్యామిలీ
ఎంటర్టైనర్. మా సినిమా ట్రైలర్ కు ప్రేక్షకుల నుంచి వచ్చిన స్పందన చూస్తుంటే
చిత్రం విజయంపై నమ్మకం మరింత పెరిగింది. కృష్ణాష్టమి రోజు మా సినిమా రిలీజ్
అవుతోంది. “కృష్ణుడు ఎలా అల్లరి చేస్తాడో, మా సినిమా కూడా అంతే అల్లరిగా
ఉంటుంది” అని అన్నారు నవీన్ పొలిశెట్టి. మహేశ్ బాబు . పి దర్శకత్వంలో నవీన్
పొలిశెట్టి, అనుష్క శెట్టి జంటగా నటించిన చిత్రం ‘మిస్ శెట్టి మిస్టర్
పొలిశెట్టి’. వంశీ, ప్రమోద్ నిర్మించిన ఈ సినిమా ఈ నెల 7న తెలుగు, తమిళ,
కన్నడ, మలయాళ భాషల్లో రిలీజ్ కానుంది. ఈ సందర్భంగా జరిగిన సమావేశంలో నవీన్
పొలిశెట్టి మాట్లాడుతూ- “జాతి రత్నాలు’ తర్వాత చాలా కథలు విన్నాను. కానీ ‘మిస్
శెట్టి మిస్టర్ పొలిశెట్టి’ కథ నాకు బాగా నచ్చింది. నా పాత్రలో మంచి
భావోద్వేగాలు ఉంటాయి. “నాగార్జునగారికి మా ట్రైలర్ బాగా నచ్చింది”. ఈ సినిమా
ట్రైలర్ లో చూసింది 30 శాతం అనుకుంటే.. సినిమాలో 70 శాతం భావోద్వేగాలు, వినోదం
ఉంటాయి” అన్నారు పి. మహేశ్బబు.