స్పీడు పెంచిన “భగవంత్ కేసరి”

నందమూరి బాలకృష్ణ కథానాయకుడిగా అనిల్ రావిపూడి తెరకెక్కిస్తున్న చిత్రం
‘భగవంత్ కేసరి’ సాహు గారపాటి, హరీష్ పెద్ది సంయుక్తంగా నిర్మిస్తున్నారు.
కాజల్ కథానాయిక. శ్రీలీల, అర్జున్ రాంపాల్ కీలక పాత్రలు పోషిస్తున్నారు. ఈ
సినిమా అక్టోబరు 19న ప్రేక్షకుల ముందుకు రానున్న సంగతి తెలిసిందే. ఈ
నేపథ్యంలోనే మిగిలి ఉన్న చిత్రీకరణను శరవేగంగా పూర్తి చేస్తోంది చిత్రబృందం.
ఇందులో భాగంగా హైదరాబాద్ పరిసర ప్రాంతాల్లో బాలకృష్ణ, కాజల్, శ్రీలీల పై కీలక
సన్నివేశాలు తెరకెక్కిస్తున్నారు. మరో 10రోజుల పాటు ఈ షెడ్యూల్
కొనసాగనున్నట్లు తెలిసింది. తెలంగాణ నేపథ్యంలో సాగే మాస్ యాక్షన్ చిత్రమిది.
ఇందులో బాలకృష్ణ పాత్ర రెండు కోణాల్లో కనిపించనుంది. ఈ చిత్రానికి తమన్
స్వరాలు అందిస్తున్నాడు. సి. రామ్ ప్రసాద్ ఛాయాగ్రాహకు డిగా వ్యవహరిస్తున్నారు.