ఘనంగా వంగవీటి రాధా నిశ్చితార్థం : అక్టోబరులో పెళ్లి

విజయవాడ : టీడీపీ నేత వంగవీటి రాధాకృష్ణ త్వరలో ఓ ఇంటివాడు కానున్నారు.
వంగవీటి రాధా నిశ్చితార్థం జక్కం పుష్పవల్లితో ఆదివారం ఘనంగా జరిగింది. ఈ
కార్యక్రమానికి ఇరు కుటుంబాల వారు హాజరై కాబోయే దంపతులను దీవించారు. ఈ
నిశ్చితార్థం నరసాపురంలో పెద్దల సమక్షంలో జరిగింది. ప్రభుత్వ చీప్ విప్
ముదునూరి ప్రసాదరాజు, మాజీ మంత్రి కొత్తపల్లి సుబ్బారాయుడు తదితరులు ఈ
కార్యక్రమానికి హాజరయ్యారు. రాధా చేసుకోబోయే జక్కం పుష్పవల్లి స్వస్థలం
నరసాపురం పట్టణం. ఏలూరు మాజీ మున్సిపల్ చైర్మన్ జక్కం అమ్మణి, బాబ్జీ దంపతుల
చిన్న కుమార్తె పుష్పవల్లి. వంగవీటి రాధా, పుష్పవల్లిల వివాహం అక్టోబరులో
జరగనున్నట్టు తెలుస్తోంది. కాగా, రాధా ఓ ఇంటివాడు కానుండడంతో అభిమానులు
సంతోషిస్తున్నారు.