త్రీడీ స్కాన్ చేయించుకున్న విజయ్ దళపతి..?

ఇప్పటికే ‘లియో’ చిత్రాన్ని పూర్తి చేసుకున్న విజయ్ ఇప్పుడు తన 68వ సినిమాపై
దృష్టి పెట్టారు. దీన్ని వెంకట్ ప్రభు తెరకెక్కిస్తున్న సంగతి తెలిసిందే. ఈ
చిత్రం త్వరలో పట్టాలెక్కనున్న నేపథ్యంలో పూర్వ నిర్మాణ పనుల్ని వేగవంతం
చేసింది చిత్రబృందం. ఈ క్రమంలోనే దర్శకుడు వెంకట్ ప్రభు ఓ ఆసక్తికర ఫొటోని
అభిమానులతో పంచుకున్నారు. అందులో విజయ్ త్రీడీ స్కాన్ చేయించుకుంటున్నట్లుగా
కనిపించారు. దీనికి ‘భవిష్యత్తులోకి స్వాగతం’ అంటూ ఓ ఆస క్తికర వ్యాఖ్యను కూడా
జోడించారు వెంకట్ ప్రభు. ఈ సినిమాలో విజయ్ తండ్రీకొడుకులుగా ద్విపాత్రాభినయం
చేయనున్నట్లు ఇప్పటికే వార్తలు బయటకొచ్చాయి. అందులో ఓ పాత్ర లుక్ కోసం త్రీడీ
సాంకేతికతను వినియోగించనుందట చిత్రబృందం. ఇందుకోసమే యూఎస్ఏలోని ఓ ప్రముఖ
స్టూడియోలో విజయ్ నీ త్రీడీస్కాన్ చేసినట్లు తెలిసింది. ఇదొక భిన్నమైన
స్టైలిష్ యాక్షన్ థ్రిల్లర్ గా ముస్తాబు కానుంది. ఇందులో విజయ్ ఓ పాత్రలో రా
ఏజెంట్ గా కనిపించనున్నట్లు సమాచారం. ప్రభుదేవా, జై తదితరులు కీలక పాత్రలు
పోషించనున్నారు.