“సలార్” విడుదల వాయిదా..?

పాన్ ఇండియా స్టార్ ప్రభాస్ కథానాయకుడిగా నటిస్తున్న చిత్రం “సలార్”. ప్రశాంత్
నీల్ దర్శకత్వం వహస్తున్న విషయం తెలిసిందే. సెప్టెంబరు 28న ఈ చిత్రాన్ని
విడుదల చేస్తామని చిత్రబృందం ఇదివరకే ఖరారు చేయడంతో అభిమానులు సినిమా కోసం
ఆసక్తిగా ఎదురుచూస్తూన్నారు. అయితే ఈ సినిమా విడుదల మరోసారి వాయిదా
పడనున్నట్టు తెలిసింది. విజువల్ ఎఫెక్ట్స్ ప్రాధాన్యమున్న చిత్రం కావడంతో
అందుకు సంబందించిన పనులు ఇంకా పూర్తికాలేదని సమాచారం. అందుకే మరోసారి విడుదల
తేదీని వాయిదా వేయనుంది చిత్రబృందం. సెప్టెంబరు నెల మొదలైనా ప్రచార
కార్యక్రమాలు ప్రారంభించక పోవడంతో విడుదలపై అనుమానాలు వ్యక్తం అవుతున్నాయి.
మరి తదుపరి విడుదల ఎప్పుడు అనేది ఇప్పుడు ఆసక్తికరంగా మారింది. ఇప్పటికే
కీలకమైన పండగలను లక్ష్యంగా చేసుకుని పలు చిత్రాలు రూపుదిద్దుకుంటున్నాయి. మరి
‘సలార్’ కొత్త ముహూర్తం ఎప్పుడనేది చూడాలి. మరోవైపు ప్రభాస్ కథానాయకుడిగా
నటిస్తున్న ‘కల్కి 2898 ఎ.డి’ కూడా విడుదల కోసం ముస్తాబవుతోంది.