పీరియాడికల్ డ్రామాలో ధనుష్..?

దర్శకుడు శేఖర్ కమ్ముల సినిమా అంటే తప్పకుండా ఏదో ఒక ప్రత్యేకత ఉంటుంది.
హృదయాన్ని స్పృశించే ప్రేమకథలతో పాటు సామాజిక సమస్యలను కథాలుగా తీసుకుంటారాయన.
ప్రస్తుతం ధనుష్ కథానాయకుడిగా శేఖర్ కమ్ముల ఓ చిత్రాన్ని తెరకెక్కిస్తున్నారు.
ధనుష్ 51వ చిత్రమిది. శ్రీవెంకటే శ్వర సినిమాస్, అమిగోస్ క్రియేషన్స్ పతాకాలపై
సునీల్ నారంగ్, పుస్కూర్ రామ్మోహన్ రావు నిర్మిస్తున్నారు. సమాజంలోని ఆర్థిక
అసమానతలను చర్చించే కథాంశమిదని తెలుస్తున్నది. విశ్వసనీయ సమాచారం ప్రకారం ఓ
యదార్థ సంఘటన ఆధారంగా దర్శకుడు శేఖర్ కమ్ముల ఈ కథను తయారు చేసుకున్నారని,
పీరియాడిక్ బ్యాక్ డ్రాప్ లో పాలిటికల్ డ్రామాగా తెరకెక్కనుందని చెబుతున్నారు.
త్వరలో ఈ చిత్రం సెట్స్ మీదకు వెళ్లనుంది. ఈ సినిమాలో అగ్ర నటుడు నాగార్జున
కీలకమైన పాత్రలో నటించబోతున్నారని ఇటీవలే చిత్రబృందం ప్రకటించింది.