అల్లు అర్జున్ మరో అరుదైన రికార్డ్..!

ఉత్తమ నటుడిగా జాతీయ అవార్డు గెలుచుకున్న తొలి తెలుగు కథానాయకుడిగా సరికొత్త
చరిత్ర సృష్టించారు అల్లు అర్జున్. దీంతో దేశవ్యాప్తంగా ఆయన పేరు
మార్మోగిపోతున్నది. ఈ విజయానందాన్ని ఆస్వాదిస్తూనే మరోవైపు ‘పుష్ప -2’
చిత్రీకరణలో బిజీగా ఉన్నారు అల్లు అర్జున్. బుధవారం ఆయన తన అభిమానులకు ఓ సర్
ప్రైజ్ గిఫ్ట్ ఇచ్చారు. తన దినచర్యతో పాటు ‘పుష్ప-2’ మేకింగ్ వీడియోను అల్లు
అర్జున్ ఇన్స్టాగ్రామ్ ద్వారా పంచుకున్నారు. తన ఇంటి నుంచి మొదలుకొని నెట్
వరకు సాగిన ఈ వీడియో సోషల్ మీడియాలో ట్రెండింగ్ లో నిలిచింది. ‘పుష్ప
2’లోకేషన్ లో దర్శకుడు సుకుమార్ తో బన్నీ మాటామంతీ.. ఆ తర్వాత షూటింగ్ లో
పాల్గొనడం వరకు ఈ వీడియో ఆద్యంతం ఆసక్తిని పంచింది. “ఇతర దేశాల కంటే మన దగ్గర
అభిమానులు చాలా ప్రత్యేకంగా ఉంటారు. వాళ్ల ప్రేమకు హద్దులు ఉండవు. వారందరూ
గర్వపడేలా నేను. నడుచుకుంటాను. ‘పుష్ప-2’ నా 20వ చిత్రంగా తెరకెక్కుతున్నది. ఈ
సినిమాలో నాకు అన్నింటికంటే నచ్చిన పాత్ర పుష్పరాజ్ పాత్రే. అతను దేనికీ
వెనకడుగు వేయడు” అని అల్లు అర్జున్ వ్యాఖ్యానించారు. ఈ వీడియోను ఇన్ స్ట్రా
గ్రామ్ టీమ్ షూట్ చేసింది. ఇన్ స్ట్రా గ్రామ్ భాగస్వామ్యంతో వీడియో చేసిన తొలి
భారతీయ హీరోగా అల్లు అర్జున్ నిలిచారు.