షెడ్యూల్డు కులాల సంక్షేమంపై సుదీర్ఝంగా చర్చించిన శాసన సభ కమిటీ

వెలగపూడి సచివాలయం : రాష్ట్ర శాసన సభ షెడ్యూల్డు కులాల సంక్షేమ కమిటీ తొలి
సమావేశం కమిటీ చైర్మన్ గొల్లా బాబురావు అద్యక్షతన వెలపూడిలోని శాసన సభ సమావేశ
మందిరంలో బుధవారం జరిగింది. ఈ సమావేశంలో కమిటీ సభ్యులైన భూమిరెడ్డి రామ్
గోపాల్ రెడ్డి, బొమ్మి ఇజ్రాయల్, పోతుల సునీత, అలజంగి జోగారావు తదితరులు
పాల్గొన్నారు. శాసనసభ ఉప కార్యదర్శి ఆర్. వనితా రాణి ఈ కమిటీ సమావేశ
ప్రారంభోపన్యాసం చేస్తూ కమిటీ విధివిధానాలు, నిర్వర్తించవలసిన కార్యక్రమాలను
సభ్యులకు వివరించారు. ఉప కార్యదర్శి సుబ్బా రెడ్డి, సెక్షన్ ఆఫీసర్
ఎ.వెంకటేశ్వర్లు ఈ సమావేశంలో పాల్గొన్నారు. అనంతరం కమిటీ చైర్మన్ గొల్లా బాబు
రావు అధ్యక్షతన పలు శాఖల అధికారులతో సమీక్షా సమావేం జరిగింది.
పట్టణాభివృద్ది, పురపాలక శాఖ, పంచాయితీ రాజ్, గ్రామీణాభివృద్ది, పరిశ్రమలు,
సాంఘిక సంక్షేమం మరియు విద్యా శాఖ అధికారులు ఈ సమావేశంలో పాల్గొన్నారు.
షెడ్యూల్డు కులాల సంక్షేమం, అభివృద్దికి ఆయా శాఖలు అమలు చేస్తున్న పలు పనుల
ప్రగతిని సమీక్షించడం జరిగింది. శాఖల వారీగా నిర్ణీత లక్ష్యాలను సకాలంలో
సాధించాలని ఆయా శాఖల అధికారులకు ఆయన సూచించారు.