మరోసారి ఆ డైరెక్టర్ తో రామ్ చరణ్..?

రామ్ చరణ్ కెరీర్ లో మర్చిపోలేని చిత్రం ‘రంగస్థలం’. సుకుమార్ దర్శకత్వం
వహించిన ఈ చిత్రం బాక్సాఫీసు దగ్గర మంచి విజయాన్ని అందుకోవడమేకాకుండా,
విమర్శకుల ప్రశంసలు అందుకొంది. ఇప్పుడు చరణ్ – సుకుమార్ కాంబోలో మరో సినిమా
రాబోతోందని సినీవర్గాలలో వినికిడి. ప్రస్తుతం ‘గేమ్ ఛేంజర్’ తో బిజీగా ఉన్నారు
రామ్ చరణ్. ఆ తరవాత ‘ఉప్పెన’ ఫేమ్ బుచ్చిబాబుతో ఓ సినిమా ఉంటుంది. ఇది
డిసెంబరులో ప్రారంభమయ్యే అవకాశాలు ఉన్నాయి. సుకుమార్ కూడా ‘పుష్ప 2’
ప్రాజెక్టులో బిజీగా ఉన్నారు. 2024 వేసవిలో ఈ చిత్రం విడుదలకానుంది.ఆ తరవాత
చరణ్ సినిమాకి సంబంధించిన ప్రీ ప్రొడక్షన్ పనులు ప్రారంభిస్తారు. 2024 చివరిలో
ఈ ప్రాజెక్ట్ సెట్స్ పైకి వెళ్లే అవకాశాలు ఉన్నట్లు తెలుస్తోంది.
‘రంగస్థలం’తో భారీ విజయాన్ని సొంతం చేసుకున్న ఈ కాంబో ఈసారి ఇంకెంత హంగామా
సృష్టిస్తుందో చూడాలి మరి.