నా కెరీర్ లోనే ఎంతో స్పెషల్: విశాల్

ఇప్పటివరకూ నేను ఎన్నో వైవిధ్యమైన పాత్రలు పోషించాను. ప్రేక్షకులు ఆదరిస్తూనే
ఉన్నారు. ఈ పుట్టినరోజు నాకు ఎంతో స్పెషల్. ఎందుకంటే సెప్టెంబర్ 15న ‘మార్క్
ఆంటోనీ’ సినిమాలో మరో విభిన్న పాత్రతో ప్రేక్షకుల ముందుకు రాబోతున్నాను’
అన్నారు హీరో విశాల్. తన పుట్టినరోజ సందర్భంగా ఆయన మాట్లాడుతూ ‘నా కెరీర్ లో
ఇదెంతో ముఖ్యమైన పీరియాడిక్ చిత్రం ఇది. ఇప్పటివరకూ నేను చేసిన సినిమాలన్నీ ఒక
ఎత్తు. ఇది మరో ఎత్తు. రెండు విభిన్న పాత్రలు పోషించాను. వాటి లుక్స్ కు మంచి
స్పందన వచ్చింది. ఇందులో మరో కీలక పాత్ర ఎస్.జె. సూర్య పోషించారు. ప్రేక్షకులు
ఎలాంటి సినిమాను చూడాలనుకుంటున్నారో అలాంటి కమర్షియల్ ఎలిమెంట్స్ అన్నీ ఈ
సినిమాలో ఉన్నాయి తప్పకుండా ఆడియన్స్ కు డిఫరెంట్ థియేట్రికల్ ఎక్స్పీరియన్స్
ఇచ్చే సినిమా ‘మార్క్ ఆంటోనీ’ అని చెప్పారు.