అంగరంగ వైభవంగా కాలగమనం చిత్రం ప్రారంభోత్సవం

విజయవాడ : శ్రీలక్ష్మి భవాని పిక్చర్స్, డూండీ క్రియేషన్స్ నిర్మిస్తున్న
కాలగమనం చిత్రం ప్రారంభోత్సవం అత్యంత వైభవంగా జరిగింది. విజయవాడ లోని అనుగ్రహ
దుర్గమ్మ ఆలయంలో జరిగిన ముహూర్తపు షాట్ ను రిటైర్డ్ సి. ఐ. రాంబాబు క్లాప్
కొట్టగా వై. ఎస్. ఎం. ఛానల్, 7 న్యూస్ ఛానల్ అధినేతలు శ్రీకాంత్ జోసప్,
రుద్రపాటి రమేష్ లు కెమెరా స్విచ్ ఆన్ చేశారు. ముహూర్తపు షాట్ ను దర్శకుడు
ఎస్. ఎస్. స్వామి అనుగ్రహ దుర్గమ్మ తల్లి పై తీసిన అనంతరం మాట్లాడుతూ భగవంతుని
పట్ల భక్తులు భయం కలిగి ఉండాలని, లేక పోతే మనిషి జీవిత కాల గమనంలో ఏమి
జరుగుతుందనే ఉత్కంఠ భరిత మైన కథాంశంతో హార్రర్ సస్పెన్స్ థ్రిల్లింగ్ తో
చిత్రం రూపు దిద్దుకుంటుందని చెప్పారు. ఈ కార్యక్రమం అతిథులు అందరి సమక్షంలో
కాలగమనం ముహూర్తపు షాటు కన్నుల పండుగగా అంగ రంగ వైభవంగా ప్తారంభించడం
జరిగిందన్నారు. చిత్ర పరిశ్రమ పెద్దలు ఏలూరు రాంబాబు, మందపాటి నాగరాజు, కొమ్ము
మోహన్, ఫిలిం డిస్ట్రిబ్యూటర్ జయరాం, ప్రముఖ రియల్ ఎస్టేట్ అధినేత
శ్రీమన్నారాయణ, రాజు బల్లెం జయ కుమార్, కొత్తగూడెం సుందరమ్మ, తిరువూరు మల్లయ్య
ఆశీస్సులతో ప్రారంభించామన్నారు. ఈనెల 15నుంచి షూటింగ్ ప్రారంభమవుతుందని
చిత్రం నిర్మాత యస్ మణికంఠ తెలిపారు. అనంతరం దర్శకుడు స్వామిని పలువురు
శాలువాతో సత్కరించి అభినందనలు తెలిపారు. ఈ కార్యక్రమంలో పలువురు ప్రముఖులు,
నటీనటులు తదితరులు పాల్గొన్నారు.