పంజాబ్‌లోని భారత్-పాకిస్థాన్ అంతర్జాతీయ సరిహద్దు వెంబడి ఆరు ఏకే-47 రైఫిళ్లు, మూడు పిస్టల్స్, 200 బుల్లెట్‌లను సరిహద్దు భద్రతా దళం గురువారం రాత్రి స్వాధీనం చేసుకుంది. పంజాబ్ రాష్ట్రంలోని ఫిరోజ్‌పూర్ సెక్టార్‌లోని సరిహద్దు జీరో లైన్ సమీపంలో జరిపిన శోధనలో నేలపై దొరికిన బ్యాగ్ నుంచి సాయంత్రం 7 గంటలకు రికవరీ చేసినట్లు అధికారులు వెల్లడించారు. ఆరు ఖాళీ మ్యాగజైన్‌లతో కూడిన మూడు ఎకె-47 రైఫిళ్లు, ఐదు ఖాళీ మ్యాగజైన్‌లతో కూడిన మరో మూడు ‘మినీ’ ఎకె-47 రైఫిల్స్, ఆరు ఖాళీ మ్యాగజైన్‌లతో కూడిన మూడు పిస్టల్స్, 200 లైవ్ బుల్లెట్లు స్వాధీనం చేసుకున్నట్లు బిఎస్‌ఎఫ్ అధికార ప్రతినిధి తెలిపారు.
