గుండె సంబంధిత అపోహలతో మోసపోకండి: డాక్టర్ స్వపన్ కుమార్ సాహా హెచ్చరిక

ఏ వయసు వారికైనా గుండె జబ్బులు రావచ్చు. గుండె ఆరోగ్యం గురించి తప్పుడు సమాచారాన్ని తొలగించడం చాలా ముఖ్యం. మనలో గుండె ఆరోగ్యం గురించి 10 అపోహలున్నాయి. అవేమిటో డాక్టర్ స్వపన్ కుమార్ సాహా ద్వారా తెలుసుకుందాం.

1). నేను సన్నగా ఉన్నాను కాబట్టి వ్యాయామం అవసరం లేదు..

సన్నగా ఉండే వారికి గుండె జబ్బులు రావనేది అపోహ మాత్రమే. తీవ్రమైన గుండె సమస్యల నుంచి వారు రోగనిరోధక శక్తిని కలిగి ఉండరు. ఊబకాయం హృదయ సంబంధ వ్యాధులకు ప్రమాద కారకం అయినప్పటికీ, సరైన బరువు ఉన్న వ్యక్తులు కూడా ఇప్పటికీ గుండెపోటు, గుండె వైఫల్యంతో బాధపడవచ్చు. కాబట్టి వ్యాయామం ప్రతి ఒక్కరికీ అవసరమే.

2). నా పిల్లలు అధిక బరువుతో ఉన్నారు, కానీ వారు చిన్నవారు, కాబట్టి మేము ఇంకా గుండె జబ్బుల గురించి ఆందోళన చెందాల్సిన అవసరం లేదు..

గుండెకు సంబంధించిన ఆరోగ్యకరమైన ఆహారం తీసుకోవడం, చురుకుగా ఉండటం వంటి మంచి అలవాట్లు చిన్న వయస్సు నుంచి కుటుంబంలో అలవారచాలి. బాల్యంలో ఊబకాయం ఉన్నవారిలో దాదాపు సగం మంది పెద్దయ్యాక ఊబకాయంతో బాధపడుతున్నారని కొత్త ఆధారాలు చూపిస్తున్నాయి. యుక్తవయస్సులో ఊబకాయం స్పష్టంగా గుండె జబ్బులు వచ్చే ప్రమాదంతో ముడిపడి ఉంటుంది. కాబట్టి చిన్నప్పటి నుంచే పిల్లలు బరువు పెరగకుండా జాగ్రత్తలు తీసుకోవాలి.

3). మహిళలకు గుండెపోటు రాధు.. అందువల్ల నివారణపై తక్కువ శ్రద్ధ చూపవచ్చు..

పురుషులు, మహిళలు ఇద్దరిలో మరణానికి గుండె జబ్బులు ప్రధాన కారణమే. కేవలం పురుషులు మాత్రమే గుండె జబ్బుల బారిన పడతారనేది సాధారణ అపోహ. ఏది ఏమైనప్పటికీ, పురుషులకు తక్కువ వయస్సులోనే హృదయ సంబంధ వ్యాధులు అభివృద్ధి చెందుతాయి అనేది నిజం. కాబట్టి మహిళలు కూడా గుండె జబ్బుల నివారణపై శ్రద్ధ చూపాల్సిందే.

4). మీకు కుటుంబ చరిత్ర ఉంటే గుండె సమస్యలను నివారించే మార్గం లేదు..

గుండె జబ్బులకు సంబంధించిన కుటుంబ చరిత్రతో నిరుత్సాహపడటం, గుండె జబ్బులను నివారించడానికి మార్గం లేదని నమ్మడం చాలామందిలో చూస్తుంటాం. అయితే, ఇది నిజం కాదని తెలుసుకోవడం ముఖ్యం. నివారణ చర్య గుండె జబ్బుల కుటుంబ చరిత్ర కలిగిన వ్యక్తుల ప్రాణాలను కూడా కాపాడుతుంది.

5). క్రమరహిత హృదయ స్పందనలు ప్రమాదకరం కాదు..

క్రమరహిత హృదయ స్పందనను అరిథ్మియా అని కూడా అంటారు. మరో మాటలో చెప్పాలంటే, గుండె చాలా నెమ్మదిగా, చాలా వేగంగా లేదా అసాధారణమైన పద్ధతిలో కొట్టుకుంటుంది. అరిథ్మియా ప్రాణాంతకమైనది కాబట్టి అన్ని గుండె లయలను సరిగ్గా అంచనా వేయడం ముఖ్యం. అది మామూలేలే అని వదిలి వేస్తే ప్రాణాంతకం కావచ్చు.

6). గుండె జబ్బులు ఉన్నట్లయితే ప్రజలు వ్యాయామానికి దూరంగా ఉండాలి..

వ్యాయామం ద్వారా కార్డియాక్ అరెస్ట్ లేదా గుండెపోటును ప్రేరేపించే అవకాశం చాలా తక్కువ. వ్యాయామం గుండె కండరాలను బలోపేతం చేయడానికి, శరీరం చుట్టూ రక్త ప్రసరణను మెరుగుపరచడానికి సహాయపడుతుంది. కాబట్టి శృతి మించకుండా ఒక మోస్తరు వరకు వ్యాయామం చేయవచ్చు.

7).యువకులు గుండె జబ్బుల గురించి ఆందోళన చెందాల్సిన అవసరం లేదు..

నిర్దిష్ట వయస్సు తర్వాత గుండె జబ్బులు వచ్చే అవకాశం ఉన్న మాట వాస్తవమే. కానీ యువకులలో కూడా గుండెపోటు రావచ్చు. కాబట్టి యువకులు కూడా గుండె ఆరోగ్యం గురించి తగు జాగ్రత్తలు తీసుకోవాల్సిందే.

8). కొలెస్ట్రాల్-తగ్గించే మందులు తీసుకునే వ్యక్తులు తమకు నచ్చిన వాటిని తినవచ్చు..

స్టాటిన్స్ వంటి కొన్ని మందులు రక్తంలో కొలెస్ట్రాల్ స్థాయిని తగ్గిస్తాయి. అయినప్పటికీ, స్టాటిన్స్ తీసుకునే వ్యక్తి సంతృప్త కొవ్వులు ఉన్న ఆహారాన్ని వదిలివేయవచ్చునని దీని అర్థం కాదు.

9).ఏళ్ల తరబడి ధూమపానం చేసిన తర్వాత, ఇప్పుడు ఆపే ప్రసక్తే లేదు..

పొగాకుతో కూడిన ధూమపానం గుండె జబ్బులకు ప్రధాన కారణం. ఒక వ్యక్తి ధూమపానం మానేసిన వెంటనే, ఆరోగ్య ప్రయోజనాలు ప్రారంభమవుతాయి. క్కాబట్టి ధూమపానం మానేయడం శ్రేయస్కరం..

10). అధిక మద్యపానం ప్రధానంగా కాలేయాన్ని ప్రభావితం చేస్తుంది, గుండెను కాదు..

కాలేయంపై అధిక మద్యపానం ప్రభావం రహస్యం కాదు, కానీ, ఇది గణనీయమైన గుండె నష్టాన్ని కూడా కలిగిస్తుంది. కాబట్టి మద్యపానం కూడా మానేయడం మంచిది.