పోరాడి ఓడిన సైనా – ఫ్రెంచ్‌ ఓపెన్‌ బ్యాడ్మింటన్‌ టోర్నీ

ఫ్రెంచ్‌ ఓపెన్‌ బ్యాడ్మింటన్‌ తొలి రౌండ్‌లో సైనా నెహ్వాల్‌ పోరాడి ఓడింది. మంగళవారం పారిస్‌ వేదికగా ప్రారంభమైన ఈ పోటీల్లో మహిళల సింగిల్స్‌లో సైనా 21-13, 17-21, 19-21తో వైవొన్నె లీ (జర్మనీ) చేతిలో పరాజయం పాలైంది. పురుషుల డబుల్స్‌ తొలి రౌండ్‌లో సాత్విక్‌ సాయిరాజ్‌-చిరాగ్‌ శెట్టి జోడీ 19-21, 21-9, 21-13తో క్రిస్టో పొపావ్‌-టోమ జూనియర్‌ పొపావ్‌ (ఫ్రాన్స్‌)పై నెగ్గి ముందంజ వేసింది. మహిళల డబుల్స్‌లో గాయత్రి గోపీచంద్‌-ట్రిసా జాలీ జోడీ 21-23, 20-22తో జాంగ్‌కోల్పాన్‌-ప్రజాంగ్‌జాయ్‌ (థాయ్‌ లాండ్‌) చేతిలో ఓడగా, మిక్స్‌డ్‌ డబుల్స్‌లో యమషిత-షినోయ (కొరియా) జోడీ చేతిలో 21-13, 21-16తో ఇషాన్‌-తనిషా (భారత్‌) ద్వయం ఓడి ఇంటిముఖం పట్టాయి.