టాలీవుడ్ లో స్టార్ హీరో ఎవరు? -అమెరికన్ నటి, టీవీ వ్యాఖ్యాత ట్వీట్

‘ఆర్ఆర్ఆర్’ మూవీని చూసిన పలువురు సినీ రాజకీయ ప్రముఖులు గతంలోనే ప్రశంసలు కురిపించారు. తాజాగా ఈ మూవీని అమెరికన్ నటి.. టీవీ వ్యాఖ్యాత రెబెకా గ్రాంట్ చూసినట్లు సోషల్ మీడియాలో ట్వీట్ చేశారు. ‘ఆర్ఆర్ఆర్’ సినిమా తనకు ఎంతగానో నచ్చిందని తెలిపారు. ఈ సినిమాను చూసినందుకు చాలా ఆనందంగా ఉందంటూ తన అభిప్రాయాన్ని వెల్లడించారు. హీరో ప్రభాస్.. రామ్ చరణ్.. ఎన్టీఆర్ ఇంతటి పేరు ప్రఖ్యాతలు సంపాదించుకోవడానికి కంటే ముందు టాలీవుడ్ లో పవర్ స్టార్? ఎవరంటూ అభిమానులను రెబెకా గ్రాంట్ ప్రశ్నించింది. ఆమె ట్వీట్ పై నెటిజన్లు స్పందిస్తూ మెగాస్టార్ చిరంజీవి అని సమాధానం ఇస్తున్నారు. తన స్వయంకృషితో చిరంజీవి మెగాస్టార్ గా ఎదగారని.. ఆయన అద్భుతమైన నటుడు.. డ్యాన్సర్ అంటూ రిప్లయ్ ఇస్తున్నారు. దీనిపై రెబెకా గ్రాంట్ స్పందిస్తూ ప్రభాస్.. రామ్ చరణ్.. ఎన్టీఆర్ కంటే ముందు ఇండియాలో మెగా పవర్ స్టార్ చిరంజీవేనా? అంటూ ప్రశ్నించింది. ఆయనే అయితే చిరంజీవికి సంబంధించిన సినిమాల్లో ఇంగ్లీష్ సబ్ టైటిల్స్ ఉంటే తనకు సూచించాలని కోరింది. దీంతో నెటిజన్లు చిరంజీవి నటించిన పలు సినిమాల పేర్లను ఆమెకు సూచిస్తున్నారు. ఈ న్యూస్ కాస్తా నెట్టింట్లో వైరల్ గా మారింది.