నా కల నెరవేరింది..!

”హరిహర వీరమల్లు’ చిత్రంలో అగ్ర హీరో పవన్ కల్యాణ్ సరసన నటిస్తుంది నిధి
అగర్వాల్. తాజాగా ఈ సినిమాపై తన ఇన్ స్టా గ్రామ్ ఖాతాలో ఓ ఆసక్తికరమైన పోస్ట్
పెట్టిందీ భామ. పవన్ కల్యాణ్ తన అభిమాన నటుడని, ఆయనతో తెరను పంచుకోవడంతో తన కల
నెరవేరిందని ఆనందం వ్యక్తం చేసింది. చక్కటి కథాబలం ఉన్న గొప్ప చిత్రంలో భాగం
కావడం అదృష్టంగా భావిస్తున్నానని, ప్రేక్షకులు తెరపై అద్భుతాన్ని చూడబోతు
న్నారని చెప్పుకొచ్చింది. ఇటీవల పవన్ కల్యాణ్ ఇన్ స్ట్రా గ్రామ్ కి ఎంట్రీ
ఇచ్చిన విషయం తెలిసిందే. ఈ సందర్భంగా తాను నటించిన కొన్ని సినిమాల
క్లిప్పింగ్స్ తో కూడిన వీడియో షేర్ చేశారు. ఇందులో హరిహర వీరమల్లు’ చిత్రంలో
నిధి అగర్వాల్ తో తీయించుకున్న ఫొటో కూడా ఉంది. ఈ ఫొటో స్క్రీన్ షాట్ ను
అభిమానులతో పంచుకుంది నిధి అగర్వాల్. హరహర వీరమల్లు’ తన కెరీర్లో ప్రత్యేకంగా
నిలిచి పోతుందని ఆనందం వ్యక్తం చేసింది.