వర్షా కాలంలో ఈ పండ్లని తినటం వల్ల ఏన్ని లాభాలో..!

ప్రస్తుత కాలంలో చాలామంది డయాబెటిస్, రక్తపోటు, అధిక బరువు వంటి సమస్యలతో
బాధపడుతున్నారు. అయితే ఈ వానాకాలంలో లభించే కొన్ని రకాల పండ్లు ఆరోగ్యానికి
చాలా మేలు చేస్తాయి అవేంటో చూద్దాం..

1) నేరేడు:

వేసవి కాలంతో పాటు వర్షాకాలంలో నేరేడు పండ్లు విరివిగా లభిస్తాయి. ఈ పండులో
ఫైబర్ ఎక్కువగా ఉండి గ్లైసెమిక్ ఇండెక్స్ తక్కువగా ఉంటుంది. దీనివల్ల
డయాబెటిక్ ఉన్నవారు కూడా ఈ పండ్లు తినొచ్చు.

2) బత్తాయి:

బత్తాయిల్లో విటమిన్ సి, ఫైబర్ అధికంగా ఉంటుంది. అలాగే గ్లైసెమిక్ ఇండెక్స్
చాలా తక్కువ. ఈ పండ్లు డయాబెటిక్ పేషెంట్లకు, బరువు తగ్గాలనుకునే వారికి చాలా
మేలు చేస్తాయి. రోగనిరోధక శక్తిని పెంచి అనేక అనారోగ్య సమస్యలు రాకుండా
నివారిస్తాయి.

3) అల్బుఖారా:

అల్బుఖారా పండ్లను చాలా మంది ఇష్టంగా తింటారు. అచ్చం టొమాటోల్లాగా ఉండే ఈ
పండ్లలో గ్లైసెమిక్ ఇండెక్స్ తక్కువగా ఉంటుంది. అందువల్ల డయాబెటిక్ ఉన్నవారితో
పాటు బరువు తగ్గాలనుకునే వారు ఈ పండ్లను తినొచ్చు.

4) పీచ్ పండ్లు:

వర్షాకాలంలో ఎక్కువగా లభించే పండ్లలో పీచ్ ఒకటి. దీనిని షుగర్ పేషెంట్లు కూడా
తినొచ్చు. ఇందులోని ఐరన్, పొటాషియం, విటమిన్ సి ఆరోగ్యానికి మేలు చేస్తాయి.

5) బేరి పండ్లు:

బేరి పండ్లలో ఫైబర్ ఎక్కువగా ఉంటుంది. డయాబెటిస్ తగ్గించుకోవడానికి, బరువు
తగ్గాలనుకు వారికి ఇది చాలా మంచిది. వర్షాకాలంలోనూ ఈ పండ్లను తినొచ్చు.

6) చెర్రీస్:

చెర్రీ పండ్లు డయాబెటిక్ పేషెంట్లకు మేలు చేస్తాయి. వీటిలో ఫైబర్ ఎక్కువగా
ఉంటుంది. అలాగే గ్లైసెమిక్ ఇండెక్స్ తక్కువ. వర్షాకాలంలో ఇవి ఎక్కువగా
అందుబాటులో ఉంటాయి.

7) దానిమ్మ:

దానిమ్మలో విటమిన్ సి అధికంగా ఉంటుంది. ఇది రోగనిరోధక శక్తిని పెంచుతుంది.
దీంతో అనేక ఆరోగ్య సమస్యల నుంచి కాపాడుకోవచ్చు. డయాబెటిస్ పేషెంట్లు మాత్రం ఈ
పండ్లు తినే ముందు డాక్టర్ సలహా తీసుకోవడం ఉత్తమం.

8) అరటి పండ్లు:

ఏ సీజన్ లో అయినా ఎక్కువగా లభించే అరటిలో పోషకాలు ఎక్కువ. ఇవి ఆరోగ్యానికి
ఎంతో మేలు చేస్తాయి. బనానా తింటే బరువు నియంత్రణలో ఉంటుంది.