రెయిన్ బో తొలి షెడ్యూల్ పూర్తి…

రష్మీక మందన్న తన సినీ కెరీర్ లో మొదటి సారిగా నాయిక ప్రాధాన్య పాత్రలో
నటిస్తున్న చిత్రం “రెయిన్ బో” శాంతరూబన్ ఈ సినిమాని తెరకెక్కిస్తున్నారు.
డ్రీమ్ వారియర్ పిక్చర్స్ సంస్థ నిర్మి స్తోంది. దేవామ్మోహన్ ముఖ్య పాత్ర
పోషిస్తున్నారు. ఈ సినిమా తొలి షెడ్యూల్ ఇటీవల పూర్తయ్యింది. ఈ విషయాన్ని
చిత్ర బృందం తాజాగా ప్రకటించింది. వచ్చే వారం నుంచి చెన్నైలో రెండో షెడ్యూల్
ప్రారంభించ నున్నారు. “విభిన్నమైన రొమాంటిక్ ఫాంటసీ ఎంటర్టైనర్ ఇది. రష్మిక
పాత్ర అందర్నీ ఆశ్చర్యపరుస్తుంది” అని చిత్రవర్గాలు తెలిపాయి. ఇది తెలుగు,
తమిళ భాషల్లో ఏక కాలంలో తెరకెక్కుతోంది. ఈ చిత్రానికి సంగీతం: జస్టిన్
ప్రభాకరన్, ఛాయాగ్రహణం: కె.ఎం. భాస్కరన్.