అందాల భామ శ్రుతి హాసన్ షెడ్యూల్ ప్రస్తుతం వరుస ప్రాజెక్టులతో బిజీగా ఉంది. తెలుగులో ‘వీర సింహారెడ్డి’, ‘మెగా154’ సినిమాలు చేస్తుంది. ఈ చిత్రాలు షూటింగ్ దశలో ఉండగానే శ్రుతి హాసన్ కు అదిరిపోయే ఆఫర్ వచ్చేసింది. అంతర్జాతీయ చిత్రంలో నటించే అవకాశం వచ్చింది. ఈ విషయాన్ని శ్రుతినే సోషల్ మీడియా వేదికగా తెలిపింది. ఇంటర్నేషనల్ మూవీ ‘ది ఐ’లో శ్రుతి హాసన్ నటించనుంది.
‘ది లాస్ట్ కింగ్‌డమ్’ ఫేమ్ మార్క్ రౌలీ ఈ సినిమాలో కీలక పాత్ర పోషిస్తున్నాడు. డాఫ్నే ష్మోన్ దర్శకత్వం వహిస్తున్నాడు. ఈ మూవీ సైకలాజికల్ థ్రిల్లర్‌గా రూపొందుతుంది. ఈ నేపథ్యంలో శ్రుతి హాసన్ సోషల్ మీడియాలో ఓ పోస్ట్‌ను షేర్ చేసింది.
‘‘నేను గ్రీస్‌లో ఎందుకు ఉన్నానో మీకు తెలుసా. ఆసక్తికరమైన ప్రాజెక్టులో నేను భాగం అయ్యాను. ఈ శుభవార్తను మీ అందరికి చెప్పడానికి సంతోషిస్తున్నాను’’ అని శ్రుతి హాసన్ చెప్పింది. ఓ దీవిలో మరణించిన భర్త అస్థికల కోసం అక్కడికి వెళ్లిన వితంతువుకి ఎదురైన ఘటనలు ఏంటనేది సినిమా కథగా తెలుస్తోంది. ‘ది ఐ’ లో అన్నా సవ్వా, లిండా మార్లో , క్రిస్టోస్ స్టెర్గియోగ్లౌ తదితరులు కీలక పాత్రలు పోషిస్తున్నారు. ఇక శ్రుతి హాసన్ కెరీర్ విషయానికి వస్తే.. ప్రభాస్ సరసన ‘సలార్’లో నటిస్తుంది. యాక్షన్ ఎంటర్‌టైనర్‌గా చిత్రం రూపొందుతుంది. ప్రశాంత్ నీల్ దర్శకత్వం వహిస్తున్నాడు. ఈ మూవీ పాన్ ఇండియాగా రూపొందుతుంది. వచ్చే ఏడాది సెప్టెంబర్ 28న విడుదల కానుంది. ‘కెజియఫ్’ మేకర్స్ సినిమాను నిర్మిస్తుండటంతో ‘సలార్’ పై భారీ అంచనాలున్నాయి.
![[జాతియం ] భారత్‌కు తొలి స్వర్ణం : వరల్డ్ రికార్డ్](https://telugu.bloomtimes.org/wp-content/uploads/2023/09/worlds-350x200.jpg)
